Hæstiréttur staðfesti fimm ára fangelsisdóm í Shaken baby-málinu

Hæstiréttur staðfesti í dag 5 ára fangelsisdóm yfir Scott James Carcary en hann var sakfellur fyrir að hafa orðið valdur að dauða fimm mánaða gamallar dóttur sinnar í mars 2013. Manninum er gert að greiða allan áfrýjunarkostnað vegna málsins, rúmar 2,5 milljónir króna.

Ólafur Börkur Þorvaldsson, hæstaréttardómari, skilaði sératkvæði í málinu þar sem hann taldi ekki rétt að sakfella Scott með rökum ákæruvaldsins þess efnis að langlíklegast væri að hann hefði framið brotið. Því bæri að sýkna hann af sakargiftum.

Scott var ákærður var fyrir stórfellda líkamsárás með því að hrista dóttur sína svo harkalega að hún hlaut blæðingu í heila sem leiddi til dauða hennar. Atvikið átti sér stað þann 17. mars 2013 þegar maðurinn var einn heima með dóttur sinni og töldu þrír sérfróðir læknar sem báru vitni fyrir dómi að stúlkan hafi látist vegna þess að hún var hrist harkalega.