Matur

Girnilegur þorskur með salsa og kartöflumús

Eva Laufey Kjaran skrifar
Vísir/Einkasafn

Þorskhnakkar með ólífusalsa og kartöflumús

Kartöflu- og sellerímús

Það er best að byrja á kartöflumúsinni en hún er tímafrekust.

1 sellerírót, skorin í teninga

8-10 kartöflur

2-3 msk. smjör

Mjólk, magn eftir smekk hvers og eins

Sykur

Salt og pipar

Aðferð:

Fyrsta skref er að afhýða sellerírót og sjóða bæði rótina og kartöflur í söltu vatni. Gætið þess að sjóða sellerírót og kartöflur í hvort í sínum pottinum. Hvort tveggja soðið þar til mjúkt. Vatninu hellt af og kartöflur eru afhýddar. Sellerírót og kartöflur eru stappaðar saman. Volgri mjólk og smjöri bætt út í, bragðbætið með salti og pipar. Stappið saman þar til þið náið þeirri áferð sem þið kjósið.

Leyfið kartöflumúsinni að standa í pottinum.

Þorskhnakkar

800 g þorskhnakkar, skornir í 200 g steikur

Ólífuolía

Salt og pipar

Aðferð:

Þorskhnakkar eru besti hluti þorsksins og jafnast á við fína steik. Byrjið á að skera flökin í jafn stóra bita. Hitið olíu á pönnu og steikið fiskinn á hvorri hlið í þrjár til fjórar mínútur. Kryddið til með salti og pipar.

Þegar fiskurinn er alveg að verða klár þá byrjið þið að bæta ólífusalsa saman við.

Tómat- og ólífusalsa

5 vorlaukar, smátt saxaðir

Handfylli svartar ólífur, í bitum

Handfylli sólþurrkaðir tómatar, í bitum

2–3 msk. furuhnetur, ristaðar

Fersk steinselja, smátt söxuð

Aðferð:

Skerið vorlaukinn niður, ólífur í tvennt og sólþurrkuðu tómatana í bita. Bætið öllu út á pönnuna með og steikið í 1-2 mínútur. Bætið steinselju og smjöri út á pönnuna í lokin en smjörið gerir réttinn enn bragðbetri.


Tengdar fréttir

Gómsæt skyrkaka Evu Laufeyjar

Skyrkökur eru ómótstæðilegar og það sakar ekki að það tekur enga stund að setja slíka köku saman.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.