Einstaklingar greiða ekki gjald heldur aðeins fjarskiptafyrirtæki

„Í dag innheimtir Auðkenni ekki gjald fyrir rafræn skilríki á farsíma og eru framtíðartekjur fyrirtækisins vegna þeirra óráðnar,“ segir Haraldur A. Bjarnason, framkvæmdastjóri Auðkennis, um þá ákvörðun fyrirtækisins að innheimta gjald af fjarskiptafyrirtækjum fyrir hver seld skilríki frá og með árinu 2016.



Hann segir markmið Auðkennis að skilríkin auðveldi og bæti öryggi rafrænna samskipta.

,,Með skilríkjunum geta borgarar gert tilkall til þess að ganga frá öllum sínum málum með rafrænum hætti, hvort sem um ræðir undirritun skjala og umsókna, afstöðu til líffæragjafar eða annað sem snertir líf borgaranna.“