Marco Rubio vill verða forseti

Marco Rubio, öldungadeildarþingmaður Flórída, hefur tilkynnt að hann bjóði sig fram til að verða forsetaefni Repúblikana.

Hinn 43 ára Rubio segist vera „einstaklega hæfur“ til að gegna embætti forseta en hann mun halda kosningafund í Frelsisturninum í Miami í kvöld.

Rubio tilheyrir Teboðshreyfingunni svokölluðu og var kjörinn á þing árið 2010.

Hann er þriðji Repúblikaninn sem tilkynnir um framboð sitt en áður hafa þeir Ted Cruz, öldungadeildarþingmaður Texas, og Rand Paul, öldungadeildarþingmaður Kentucky, greint frá sínu framboði.