Saumar út á milli tónleika Elín Albertsdóttir skrifar 10. janúar 2015 12:00 Vinnan kemur í törnum, segir Andrea en þess á milli nýtur hún þess að slappa af yfir hannyrðum. vísir/vilhelm Andrea Gylfadóttir söngkona hefur haft í nógu að snúast að undanförnu fyrir stórtónleika Todmobile um næstu helgi. Mest allur tími hennar undanfarið hefur farið í æfingar. Þess á milli situr hún og saumar út. Andrea segir að mikill undirbúningur felist í stórum tónleikum sem þessum. Tónleikarnir verða í Eldborg í Hörpu á föstudag og í Hofi á Akureyri á laugardag. Með Todmobile verður Steve Hackett úr hljómsveitinni Genesis en einnig Sinfóníuhljómsveit Norðurlands og kór. „Það er alltaf nokkur aðdragandi að svona stórum tónleikum. Þorvaldur Bjarni Þorvaldsson hafði samband við Steve Hackett og fékk hann til liðs við okkur en hann hefur verið á tónleikaferðalagi með eigin hljómsveit. Við nýttum okkur að hann væri á ferðinni,“ segir Andrea og bætir við að það séu ákveðnar tengingar á milli tónlistar Todmobile og Genesis sem falla vel saman. „Þetta verða mjög spennandi og skemmtilegir tónleikar, okkar tónlist í bland við gullaldartónlist Genesis frá áttunda áratugnum,“ segir hún enn fremur. Þess má geta að síðasti söngvari hljómsveitarinnar Genesis var stórstjarnan Phil Collins. Steve Hackett hefur haldið merki Genesis á lofti með Genesis Revisited sem hefur notið mikilla vinsælda síðustu ár.Það verður mikið lagt í stórtónleika Todmobile og Steve Hackett úr Genesis.Mynd/vilhelmGott samstarf Félagarnir í Todmobile hafa spilað mikið saman að undanförnu. Í nóvember 2013 voru þeir með vel heppnaða tónleika með Jon Anderson úr hljómsveitinni Yes í Hörpu og má segja að tónleikarnir nú séu framhald þeirrar uppákomu. Í fyrra hélt Todmobile upp á 25 ára afmæli sitt og gaf út plötu af því tilefni. „Eftir stórtónleikana um næstu helgi verðum við með nokkra minni tónleika og eitthvað á böllum og árshátíðum í framhaldinu,“ útskýrir Andrea. Þegar Andrea er spurð hvort félagar hennar í hljómsveitinni hafi breyst mikið á þessum 25 árum segir hún það vera. „Fólk þroskast auðvitað en við höfum alltaf náð vel saman. Þetta hefur verið mjög gott samstarf. Við tókum okkur hvíld í nokkur ár en komum aftur til leiks af fullum krafti fyrir nokkrum árum.“ Andrea hefur auk þess að syngja með Todmobile starfað með Borgardætrum frá árinu 1993. Þær voru með sína árlegu og sívinsælu jólatónleika fyrir jólin en þeir hafa verið haldnir frá árinu 2000. Þá kom út vinsæl jólaplata sem er mikið leikin fyrir hver jól. Með Andreu í Borgardætrum eru Ellen Kristjánsdóttir og Berglind Björk Jónasdóttir. „Við höfum ákveðið að vera með stóra tónleika á sumardaginn fyrsta í Hörpu sem verður mjög spennandi.“Raddböndin þanin Andrea segist hafa nóg að gera í dag og á morgun heima við. „Það er svo margt sem þarf að huga að, ætli ég þenji ekki raddböndin eitthvað,“ segir hún. Þegar hún er spurð hvort ekki þurfi að huga að klæðnaði fyrir svona stóra tónleika, svarar hún því játandi. „Það er hluti af þessu öllu. Ég læt sérsauma á mig og hef manneskju til að hjálpa mér við hönnunina,“ segir Andrea en vill ekkert frekar segja frá hvernig sá klæðnaður verður. Andrea vekur jafnan athygli fyrir óvenjulegan stíl, bæði í fatavali og hárgreiðslu. „Ég pæli dáldið í tísku og hönnun en er ekki öfgamanneskja á því sviði.“ Andrea hefur sömuleiðis mikinn áhuga á matargerð og finnst skemmtilegt að elda. Hún viðurkennir að hún sé ágætis kokkur. Það sem færri vita sennilega er að hún er mikil hannyrðakona. Saumar út alls kyns púða, veggmyndir og á stóla. Hún segist líka taka í prjóna. „Það er ekkert leyndarmál að mér finnst mjög skemmtilegt að sauma út,“ segir hún. Andrea á einn son og sjö ára barnabarn sem var hjá henni um jólin. „Það er virkilega gaman að vera amma,“ segir hún. Maður Andreu er Einar Rúnarsson, hljómborðsleikari í Sniglabandinu. Þau eru heimakær en finnst sömuleiðis gaman að vera innan um fólk. „Við förum líka oft í sumarbústaðinn okkar. Vinnan kemur í törnum en þess á milli finnst okkur gott að fara í sveitina og slappa af,“ segir hún. „Núna hlakka ég mikið til næstu helgar. Þetta verður virkilega skemmtilegt,“ segir Andrea en með henni í Todmobile eru Eyþór Ingi Gunnlaugsson, Þorvaldur Bjarni Þorvaldsson, Eiður Arnarsson, Kjartan Valdemarsson, Alma Rut og Ólafur Hólm. Mest lesið Calvin Harris orðinn faðir Lífið Hvetur fólk til að taka sjálfu með „þessu glæsiklofi“ Lífið Myndaveisla: Ærandi pollagallastemming í Eyjum Lífið Fann ástina á Balí en nýtur hennar í Kóreu Lífið Rod Stewart sýnir Ozzy taka sjálfur í himnaríki Lífið Hermína sem missti folald og móðurlaus Tígull fundu hvort annað Lífið „Stundum finnst mér hún vera farin þó hún sé enn á lífi“ Lífið „Þarna fylltist hjartað af hamingju“ Lífið Skoðanabræður hætta göngu sinni: „Takk fyrir okkur“ Lífið Stórbrotnar íbúðir í Skipholtinu Lífið Fleiri fréttir Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Útskúfaður úr Hollywood vegna kossareglunnar Dularfullur veðurbreytir Jakobs Frímanns og maðurinn á bak við hann Uppljóstrar um síðustu skilaboðin sem hann fékk frá Ozzy Góðhjartaður dýrahirðir og tæknigúrú Draumabrúðkaup í sextíu ára gömlum kjól frá ömmu Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Sjá meira
Andrea Gylfadóttir söngkona hefur haft í nógu að snúast að undanförnu fyrir stórtónleika Todmobile um næstu helgi. Mest allur tími hennar undanfarið hefur farið í æfingar. Þess á milli situr hún og saumar út. Andrea segir að mikill undirbúningur felist í stórum tónleikum sem þessum. Tónleikarnir verða í Eldborg í Hörpu á föstudag og í Hofi á Akureyri á laugardag. Með Todmobile verður Steve Hackett úr hljómsveitinni Genesis en einnig Sinfóníuhljómsveit Norðurlands og kór. „Það er alltaf nokkur aðdragandi að svona stórum tónleikum. Þorvaldur Bjarni Þorvaldsson hafði samband við Steve Hackett og fékk hann til liðs við okkur en hann hefur verið á tónleikaferðalagi með eigin hljómsveit. Við nýttum okkur að hann væri á ferðinni,“ segir Andrea og bætir við að það séu ákveðnar tengingar á milli tónlistar Todmobile og Genesis sem falla vel saman. „Þetta verða mjög spennandi og skemmtilegir tónleikar, okkar tónlist í bland við gullaldartónlist Genesis frá áttunda áratugnum,“ segir hún enn fremur. Þess má geta að síðasti söngvari hljómsveitarinnar Genesis var stórstjarnan Phil Collins. Steve Hackett hefur haldið merki Genesis á lofti með Genesis Revisited sem hefur notið mikilla vinsælda síðustu ár.Það verður mikið lagt í stórtónleika Todmobile og Steve Hackett úr Genesis.Mynd/vilhelmGott samstarf Félagarnir í Todmobile hafa spilað mikið saman að undanförnu. Í nóvember 2013 voru þeir með vel heppnaða tónleika með Jon Anderson úr hljómsveitinni Yes í Hörpu og má segja að tónleikarnir nú séu framhald þeirrar uppákomu. Í fyrra hélt Todmobile upp á 25 ára afmæli sitt og gaf út plötu af því tilefni. „Eftir stórtónleikana um næstu helgi verðum við með nokkra minni tónleika og eitthvað á böllum og árshátíðum í framhaldinu,“ útskýrir Andrea. Þegar Andrea er spurð hvort félagar hennar í hljómsveitinni hafi breyst mikið á þessum 25 árum segir hún það vera. „Fólk þroskast auðvitað en við höfum alltaf náð vel saman. Þetta hefur verið mjög gott samstarf. Við tókum okkur hvíld í nokkur ár en komum aftur til leiks af fullum krafti fyrir nokkrum árum.“ Andrea hefur auk þess að syngja með Todmobile starfað með Borgardætrum frá árinu 1993. Þær voru með sína árlegu og sívinsælu jólatónleika fyrir jólin en þeir hafa verið haldnir frá árinu 2000. Þá kom út vinsæl jólaplata sem er mikið leikin fyrir hver jól. Með Andreu í Borgardætrum eru Ellen Kristjánsdóttir og Berglind Björk Jónasdóttir. „Við höfum ákveðið að vera með stóra tónleika á sumardaginn fyrsta í Hörpu sem verður mjög spennandi.“Raddböndin þanin Andrea segist hafa nóg að gera í dag og á morgun heima við. „Það er svo margt sem þarf að huga að, ætli ég þenji ekki raddböndin eitthvað,“ segir hún. Þegar hún er spurð hvort ekki þurfi að huga að klæðnaði fyrir svona stóra tónleika, svarar hún því játandi. „Það er hluti af þessu öllu. Ég læt sérsauma á mig og hef manneskju til að hjálpa mér við hönnunina,“ segir Andrea en vill ekkert frekar segja frá hvernig sá klæðnaður verður. Andrea vekur jafnan athygli fyrir óvenjulegan stíl, bæði í fatavali og hárgreiðslu. „Ég pæli dáldið í tísku og hönnun en er ekki öfgamanneskja á því sviði.“ Andrea hefur sömuleiðis mikinn áhuga á matargerð og finnst skemmtilegt að elda. Hún viðurkennir að hún sé ágætis kokkur. Það sem færri vita sennilega er að hún er mikil hannyrðakona. Saumar út alls kyns púða, veggmyndir og á stóla. Hún segist líka taka í prjóna. „Það er ekkert leyndarmál að mér finnst mjög skemmtilegt að sauma út,“ segir hún. Andrea á einn son og sjö ára barnabarn sem var hjá henni um jólin. „Það er virkilega gaman að vera amma,“ segir hún. Maður Andreu er Einar Rúnarsson, hljómborðsleikari í Sniglabandinu. Þau eru heimakær en finnst sömuleiðis gaman að vera innan um fólk. „Við förum líka oft í sumarbústaðinn okkar. Vinnan kemur í törnum en þess á milli finnst okkur gott að fara í sveitina og slappa af,“ segir hún. „Núna hlakka ég mikið til næstu helgar. Þetta verður virkilega skemmtilegt,“ segir Andrea en með henni í Todmobile eru Eyþór Ingi Gunnlaugsson, Þorvaldur Bjarni Þorvaldsson, Eiður Arnarsson, Kjartan Valdemarsson, Alma Rut og Ólafur Hólm.
Mest lesið Calvin Harris orðinn faðir Lífið Hvetur fólk til að taka sjálfu með „þessu glæsiklofi“ Lífið Myndaveisla: Ærandi pollagallastemming í Eyjum Lífið Fann ástina á Balí en nýtur hennar í Kóreu Lífið Rod Stewart sýnir Ozzy taka sjálfur í himnaríki Lífið Hermína sem missti folald og móðurlaus Tígull fundu hvort annað Lífið „Stundum finnst mér hún vera farin þó hún sé enn á lífi“ Lífið „Þarna fylltist hjartað af hamingju“ Lífið Skoðanabræður hætta göngu sinni: „Takk fyrir okkur“ Lífið Stórbrotnar íbúðir í Skipholtinu Lífið Fleiri fréttir Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Útskúfaður úr Hollywood vegna kossareglunnar Dularfullur veðurbreytir Jakobs Frímanns og maðurinn á bak við hann Uppljóstrar um síðustu skilaboðin sem hann fékk frá Ozzy Góðhjartaður dýrahirðir og tæknigúrú Draumabrúðkaup í sextíu ára gömlum kjól frá ömmu Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Sjá meira