Haukar lögðu Breiðablik að velli 86-63 í Dominos deild kvenna í körfubolta í kvöld á heimavelli.
Eftir jafnan fyrsta leikhluta stungu Haukar af í öðrum leikhluta og voru 15 stigum yfir í hálfleik 48-33.
Breiðablik átti aldrei möguleika á að vinna sig inn í leikinn í seinni hálfleik og Haukar lönduðu öruggum sigri.
Mikill munur er á liðunum en Breiðablik er í neðsta sæti deildarinnar með 2 stig en Haukar í þriðja sæti með 24 stig líkt og Grindavík.
LeLe Hardy var að vanda atkvæðamikil hjá Haukum. Hún skoraði 20 stig, tók 17 fráköst og gaf 6 stoðsendingar. Dagbjört Samúelsdóttir var stigahæst hjá Haukum með 25 stig.
Arielle Wideman var atkvæðamest hjá Breiðabliki með 23 stig og 13 fráköst.
Haukar kláruðu Breiðablik
