Helgi Magnússon kaupir í N1 fyrir 109 milljónir króna

Hofgarðar, félag í eigu Helga Magnússonar, varaformanns stjórnar N1, keypti fyrr í dag hlut í N1 fyrir 109 milljónir króna samkvæmt tilkynningar til Kauphallar Íslands.

Hofgarðar keyptu 3.000.000 hluta í félaginu á genginu 36,3 krónur. Eftir viðskiptin á félagið 9.726.036 hluta sem eru metnir eru 353 milljónir króna þegar viðskiptin áttu sér stað.

Alls hafa hlutabréf í N1 hækkað um 4,2 prósent í dag en heildarvelta viðskiptanna hefur numið 420 milljónum króna.

Í gær tilkynnti N1 um afkomu sína á fyrsta ársfjórðungi en hagnaður nam 134,6 milljónum króna á ársfjórðungnum samanborið við 77 milljónir árið áður.