Segir Kristján Lofts­son vera bæði hrokafullann og sjálfumglaðann

Formaður Sea Shepard samatakana Paul Watson sagði í spjalli við útvarpsþáttinn Harmageddon í morgun að Kristján Loftsson eigandi Hvals Hf kæmi fyrir sem mjög hrokafullur, sjálfumglaður maður sem væri algerlega sinnulaus um alla andstöðu við hvalveiðar.

Um farm flutningaskipsins Winter Bay sem Kristján Loftsson flytur nú til Japans um svokallaða norðausturleið um Íshafið, norður við Rússland, sagði Watson að þrátt fyrir að hann kæmist þá leið í þetta skiptið efaðist hann stórlega um að rússnesk stjórnvöld muni leyfa slíka flutninga í framtíðinni.

Watson segir farminn, sem eru um 1800 tonn af frosnu langreyðarkjöti vera ólöglegan þar sem langreyður er skráð í „útrýmingarhættu“ á rauða lista IUCN. Það sé ástæða þess að Kristján Loftsson kjósi að fara Norðurslóðaleiðina þrátt fyrir að sú leið sé óöruggari vegna hafíss.

Í viðtalinu talar Watson líka um hvernig menn á hans vegum sökktu tveimur hvalveiðiskipum í Reykjavíkurhöfn árið 1986 og lýsir því hvernig það var gert. Hann sagði að hætt hefði verið við að sökkva þriðja skipinu á síðustu stundu þar sem um borð hafði verið sofandi vaktmaður.

Hægt er að hlusta á allt viðtalið hér að ofan.