Harmageddon

Sannleikurinn: Gamall karl skipaður í nefnd

Andri Þór Sturluson skrifar
Gamli karlinn með blýant sem hann fann á Árbæjarsafninu.
Gamli karlinn með blýant sem hann fann á Árbæjarsafninu.
Gamall karl var í dag skipaður í nefnd. Hans hlutverk verður fyrst og fremst að sjá til þess að nefndin geri sem minnst, heiðri gömul og úreld sjónarmið og hella upp á te.

Karlinn, Sigurður Líndal, er ævaforn og hefur átt sæti í hverri einustu nefnd sem sett hefur verið á laggirnar frá lýðveldisstofnun.

Karlinn er óháður stjórnmálaflokkum en skoðanir hans samrýmast furðu vel skoðunum núverandi ráðamanna.

Málið sem nefndin er skipuð til að þræta um þangað til það verður kæft aftur er að sjálfsögðu breytingar á stjórnarskránni en níu fulltrúar skipa nefndina.

Þess má geta að fyrir þremur árum var þúsund manna nefnd að störfum, þverskurður þjóðarinnar, á þjóðfundi í Laugardalshöll en núverandi stjórnarflokkar komust að þeirri niðurstöðu að hennar tillögur sem stjórnlagaþing vann síðan með væru drasl og fengu því gamla karlinn til að sjá um þetta.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu  og þar eru aldraðir oft fengnir í einhver verkefni.






Velkomin á Vísi. Þessi vefur notar vafrakökur. Sjá nánar.