Harmageddon

Eitt af hverjum fimm lögum á vinsældarlistum fjalla um áfengi

Ómar Úlfur skrifar
Katy Perry fjallar um mikla áfengisneyslu í sumum laga sinna.
Katy Perry fjallar um mikla áfengisneyslu í sumum laga sinna.

John Moore háskólinn í Liverpool hefur sent frá sér niðurstöður rannsókna sem að sýna að eitt af hverjum fimm lögum sem kemst á topp tíu listann í Bretlandi fjallar um áfengi. Rannsóknin sýnir fram á að áfengistilvísunum í lögum hefur fjölgað um helming undanfarin áratug. Háskólinn ályktar að áfengisskilaboð í fjölmiðlum sé meiri háttar vandamál í Bretlandi.

Niðurstöðurnar voru birtar í tímaritinu Psychology of Music á dögunum og notuðu rannsakendur gögn af vinsældarlistum seinustu fjögurra áratuga. Mikill munur var á milli þessara áratuga. Lög sem að komust á lista árið 1981 innihéldu fáar áfengistilvísanir og þær voru ennþá færri í lögum árið 1991. Árið 2001 kom áfengið aftur inná vinsældarlistana og 8% vinsælla laga það árið fjölluðu um áfengi. Síðan þá hefur þetta aukist ár frá ári og árið 2011 fjölluðu eitt af hverjum fimm lögum um áfengi á einn eða annan hátt.

Í rannsókninni er sýnt frammá að börn og unglingar hlusti að meðaltali á tónlist í tvær klukkustundir á dag og hefur vinsælasta tónlistin hverju sinni gríðarleg áhrif. Lög eins og Last Friday Night með Katy Perry fjallar um gríðarlega drykkju á föstudagskvöldi og íslendingar þekkja lög eins og Allir eru að fá sér með Blaz Roca sem fjallar sömuleiðis að stórum hluta um áfengisneyslu.

Hér fyrir neðan má sjá og heyra dæmi um áfengistilvísanir í íslenskum lögum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.