Íslendingar forvitnari um Hlín en Malín

Bardagakappinn Gunnar Nelson er mest gúgglaði Íslendingurinn á árinu 2015, samkvæmt úttekt H:N Markaðssamskipta. Gunnar var gúgglaður tæplega 29 þúsund sinnum en hann var einnig mest gúgglaði Íslendingurinn í fyrra. Þá flettu Íslendingar honum upp tæplega 53 þúsund sinnum í leitarvélinni.

Nýliði og hástökkvari ársins er söngkonan Salka Sól Eyfeld en hún stekkur beint í 2.-3. sæti sem hún deilir með Vigdísi Finnbogadóttur.

Nýliðar á listanum eru systurnar Hlín Einarsdóttir og Malín Brand en þær voru mikið í fréttum á árinu vegna tilraunar til að kúga fé út úr forsætisráðherra, Sigmundi Davíð Gunnlaugssyni. Hlín er í 4. sæti listans en Malín deilir fimmta sætinu með Hafþóri Júlíusi Björnssyni og Björk.

Auglýsingastofan hefur þann fyrir vara á samantekt sinni að einhver nöfn gæti hafa gleymst sem hafi verið gúggluð oftar en þau tíu sem nefnd eru hér að neðan. Svo er þess getið að Íslendingar gúggluðu Icehot1, notendanafn Bjarna Benediktssonar fjármálaráðherra á stefnumótasíðunni Ashley Madison, um 1.300 sinnum.

Bjarni sjálfur var hins vegar gúgglaður um 5.800 sinnum á árinu.

1. sæti: Gunnar Nelson – 28.800

2.– 3. sæti: Vigdís Finnbogadóttir – 15.600

2.– 3. sæti: Salka Sól – 15.600

4. sæti: Hlín Einarsdóttir – 12.000

5.– 7. sæti: Hafþór Júlíus Björnsson – 10.600

5.– 7. sæti:Malín Brand – 10.600

5.– 7. sæti: Björk – 10.600

8. - 10. sæti: Baltasar Kormákur – 8.600

8. - 10. sæti: Bubbi Morthens – 8.600

8. - 10. sæti: Páll Óskar – 8.600

Bardagakappinn Gunnar Nelson er mest gúgglaði Íslendingurinn á árinu 2015, samkvæmt úttekt H:N Markaðssamskipta. Gunnar...

Posted by HN Markaðssamskipti on Friday, December 18, 2015