Elvar og Martin með 24 stig og 11 stoðsendingar saman

Elvar Már Friðriksson og Martin Hermannsson áttu báðir fínan leik í gær þegar LIU Brooklyn vann 67-55 sigur á Central Connecticut í bandaríska háskólaboltanum.

Íslensku landsliðsmennirnir voru saman með 24 stig, 11 stoðsendingar, 6 stolna bolta og fimm þriggja stiga körfur í leiknum.

Elvar Már var með 14 stig, 5 stoðsendingar og 5 stolna bolta á 27 mínútum en hann hitti úr 5 af 11 skotum sínum þar af 3 af 7 fyrir utan þriggja stiga línuna..

Martin var með 10 stig og 6 stoðsendingar á 36 mínútum en hann hitti úr 4 af 11 skotum sínum þar af 2 af 4 fyrir utan þriggja stiga línuna. Enginn spilaði meira LIU Brooklyn í liðinu en Martin.

LIU Brooklyn var 34-24 yfir í hálfleik en Elvar (11 stig) og Martin (7 stig) voru þá saman með 53 prósent stiga síns liðs.

Kristófer Acox var með 4 stig og 9 fráköst þegar Furman vann 59-55 sigur á East Tennessee State.

Gunnar Ólafsson var með 2 stig á 9 mínútum þegar St. Francis vann 73-67 sigur á Mount St. Mary's.