Harry Shearer líklegur til að yfirgefa Simpsons

Leikarinn Harry Shearer, sem ljáir góðkunnugum karakterum í Simpsons þáttunum rödd sína, hefur gefið í skyn að hann muni hætta starfi sínu. Hann talsetur karaktera eins og Ned Flanders, Mr. Burns, Principal Skinner og Smithers.

Shearer skrifaði tvö tíst þar sem hann hefur eftir lögmanni James L. Brooks, framleiðenda Simpsons, að þátturinn muni halda áfram og að hann verði ekki hluti af þeim. Sjálfur segir Shearer þetta tilkomið vegna þess að hann hafi viljað vinna önnur verk samhliða Simpsons þáttunum.

from James L. Brooks' lawyer: "show will go on, Harry will not be part of it, wish him the best.". (1/2)

— Harry Shearer (@theharryshearer) May 14, 2015

This because I wanted what we've always had: the freedom to do other work. Of course, I wish him the very best. (2/2)

— Harry Shearer (@theharryshearer) May 14, 2015

Á vef Guardian segir að þrátt fyrir að lögmaðurinn segi að þátturinn muni halda áfram sé brotthvarf Shearer mikið högg. Nýlega var samið um 27. og 28. seríu þáttanna, en TMZ segir að ekki hafi verið samið við einn leikara vegna deilna um hagnað þáttanna.