Pistorius gert að sækja tíma hjá geðlækni

Sérstök nefnd dómara hefur fyrirskipað suður-afríska spretthlauparanum Oscar Pistorius að sækja tíma hjá geðlækni. Pistorius afplánar nú fimm ára dóm fyrir morð á kærustu sinni en honum var nýlega neitað um reynslulausn.

Í yfirlýsingu segir að í meðferðinni skuli einblínt á þá þætti sem leiddu til þess að hann skaut kærustu sína, Reevu Steeenkamp, til bana á heimili þeirra í Pretoríu árið 2013.

Pistorius var dæmdur fyrir morð af gáleysi, en hann sagðist hafa haldið að Steenkamp hafi verið innbrotsþjófur.

Í frétt BBC kemur fram að hinn 28 ára Pistorius hafi vonast til að verða sleppt í ágústmánuði eftir að nefnd sem ákvarðar um reynslulausn fanga úrskurðaði að hann gæti afplánað eftirstöðvar dómsins í stofufangelsi.

Dómsmálaráðherrann Michael Masutha neitaði Pistorius hins vegar um reynslulausn og sagði ekki nægan tíma hafa liðið frá uppkvaðningu dómsins.