Rory McIlroy trúlofaður á ný

Það er sjaldan lognmolla í kring um Rory Mcilroy en nú berast sögusagnir af því að hann sé búin að trúlofa sig á ný.

Það hefur verið töluverður fréttaflutningur af einkalífi Rory í gegn um tíðina en fyrir tveimur árum trúlofuðu hann og tennisstjarnan Caroline Wozniaki sig.

Rory hætti þó við nokkrum mánuðum seinna og eftir það flosnaði upp úr sambandinu en hann sagðist á þeim tíma ekki vera tilbúinn í hjónaband.

Það virðist þó margt hafa breyst einu og hálfu ári en Reuters fréttastofan greindi frá því fyrr í vikunni að hann og Erica Stoll hefðu trúlofað sig.

Erica er fyrrum starfsmaður PGA-mótaraðarinnar en þau kynntust fyrst árið 2012 þegar að hún hjálpaði Rory að ná teig í Ryder-bikarnum eftir að hann svaf yfir sig.