Undirskriftalisti gegn Kanye West

Kanye West er vinsamlegast beðinn um að halda sig frá Glastonbury-hátíðinni sem fram fer í Bretlandi í lok júní. Krafan kemur frá um tuttugu þúsund manns sem skráð sig hafa á undirskriftarlista gegn komu kauða. Sé horft á heildarsamhengið er um að ræða tæplega fimmtán prósent allra þeirra sem keypt hafa miða á hátíðina.

Hefur fólk hreinlega sagst ætla að skila miðunum sínum verði hann ekki afturkallaður úr hópi listamanna.

Þykir mörgum hann ekki eiga heima á sviðinu og kalla eftir rokkhljómsveit í hans stað. Talið er að framkoma hans undanfarið eigi hér stærstan hluta í máli, en hann hefur farið stórum í yfirlýsingum á eigin ágæti og lagt tilveru sína að jöfnu við tilveru Jesú Krists.