Borgar 140 þúsund krónur fyrir máltíðina

Það getur borgað sig að komast að sem einkakokkur stórstjarna. Það hefur kokkurinn sem eldar ofan í hnefaleikakappann Floyd Mayweather komist að.

Mayweather undirbýr sig nú fyrir erfiðasta bardaga ferilsins gegn Manny Pacquiao og hann vill að allt í undirbúningnum sé skothelt.

Kokkurinn hans fær til að mynda greiddar 140 þúsund krónur fyrir hverja máltíð og borðar Mayweather oftar en einu sinni á dag.

Ástæðan fyrir þessu háa verði er ekki sú að kokkurinn sé að rukka svona mikið heldur kýs Mayweather að greiða þessa upphæð fyrir máltíðina.

Svo er spurning hvort þetta rándýra fæði skili sínu þegar út í bardagann er komið.