Hefja átak gegn útbreiddasta mannréttindabroti heims

UN Women á Íslandi efna nú til átaks gegn útbreiddasta mannréttindabroti heims sem er ofbeldi gegn konum og stúlkum.

Í fréttatilkynningu frá UN Women kemur fram að á hverjum einasta degi eru 39 þúsund stúlkur þvingaðar í hjónaband.

 

„Af þessum sökum er mæðradauði helsta dánarorsök unglingsstúlkna á aldrinum 15-19 ára í þróunarlöndum. Enn þann dag í dag hafa 140 milljónir stúlkna þurft að þola afskurð á kynfærum sínum og enn búa yfir 600 milljónir kvenna og stúlkna búa í löndum þar sem heimilisofbeldi er ekki refsivert. Ofbeldi gegn konum og stúlkum er heimsfaraldur sem á sér stað inni á heimilum, í almenningsrýmum sem og í stríði og á átakasvæðum,“ segir í tilkynningu.

UN Women á Íslandi skorar á landsmenn til að láta sig málið varða með því að gerast mánaðarlegir styrktaraðilar samtakanna en hægt er að skrá sig á unwomen.is.