Eyrir Invest og hluthafar selja hlut í Stork fyrir 98 milljarða

Eyrir Invest, Alre Capital Partners og aðrir hluthafar hafa náð samkomulagi um sölu á hlut sínum í Stork til Fluor Corporation fyrir 695 milljónir evra, jafnvirði 98 milljarða króna.

Fram kemur í tilkynningu hjá Eyri Invest að Stork sé leiðandi í þjónustu við olíu-, gas- og efnaiðnaðinn. Stork er með yfir 15 þúsund starfsmenn og námu tekjur fyrirtækisins 1,5 milljarði evra, jafnvirði 211 milljarða króna. Talið er að gengið verði frá sölunni á fyrri hluta árs 2016.

Stærstu eigendur Eyris Invest eru feðgarnir Þórður Magnússon, sem á 20 prósent hlut, og Árni Oddur Þórðarson (forstjóri Marel) sem á 17 prósent hlut. Landsbankinn á 11 prósent hlut í fyrirtækinu. Lífeyrissjóður Verslunarmanna á 10 prósent hlut í félaginu.  Eyrir á 29 prósent hlut í Marel og rekur einnig sprotastjóðinn Eyri Sprota.