Bardagi Gunnars sá fjórði stærsti

UFC hefur staðfest að bardagi Gunnars Nelson gegn Demian Maia verði einn af stærstu bardögum UFC 194 sem fer fram þann 12. desember næstkomandi í Las Vegas.

Fimm bardagar eru á hinu svokallaða „Main Card“ sem eru aðalbardagarnir og seldir í Pay Per View.

Bardagi Gunnars og Maia er sá fjórði stærsti. Þetta er mikill heiður fyrir Gunnar sem var einnig í einum aðalbardaganna í Las Vegas síðasta sumar.

Áhugamenn um UFC hafa mikið velt fyrir sér upp á síðkastið hvort bardagi Gunnars yrði á meðal aðalbardaganna eða ekki og voru ekki allir bjartsýnir á að svo verði.

Tveir stærstu bardagar kvöldsins eru titilbardagar og aðalbardaginn er á milli Jose Aldo og æfingafélaga Gunnars, Conor McGregor.

Bardagakvöldið verður í beinni á Stöð 2 Sport.