Odom farinn að taka á móti gestum

Heilsa Lamar Odom verður sífellt betri og hann getur nú tekið á móti gestum á sjúkrahúsinu.

Hingað til hafa aðeins hans nánustu geta setið með honum en Odom er augljóslega allur að koma til þó svo eflaust sé nokkuð í land hjá honum.

Metta World Peace, eða Ron Artest, heimsótti hann í gær en þeir hafa verið vinir síðan í æsku er þeir ólust upp saman í Queens.

Odom er sagður vera heppinn að vera á lífi en hann var afar hætt kominn er hann fannst meðvitundarlaus á vændishúsi í Las Vegas þann 13. október síðastliðinn.