Innlent

Íslendingar fá að berja blóðrauðan ofurmána augum

sunna karen sigurþórsdóttir skrifar
Þegar tunglið er inni í alskugga Jarðar fær það á sig blóðrauðan blæ. Þennan lit má rekja til allra sólarlaga og sólarupprása sem umlykja jörðina á þessu augnabliki.
Þegar tunglið er inni í alskugga Jarðar fær það á sig blóðrauðan blæ. Þennan lit má rekja til allra sólarlaga og sólarupprása sem umlykja jörðina á þessu augnabliki. vísir/epa
Almyrkvi verður á tungli aðfaranótt mánudagsins 28. september, sem mun sjást að öllu leyti frá Íslandi, ef veður leyfir. Ekki þarf nein hjálpartæki til að sjá tungmyrkva, svo allir ættu að geta notið hans með berum augum. Síðast sást almyrkvi frá öllu Íslandi fyrir um fimm árum síðan.

Á Stjörnufræðivefnum kemur fram að myrkvinn muni hefjast klukkan 00:12, en að á milli 02:11 og 03:23 verði tunglið almyrkvað og þá blóðrautt á himni. Tunglmyrkvinn á sér stað á stærsta fulla tungli ársins, þegar tunglið er næst jörðinni, sem stundum er kallað „ofurmáni“.

Tunglmyrkvar sjást frá allri næturhlið jarðar, ólíkt sólmyrkvum sem sjást aðeins frá takmörkuðu svæði á jörðinni. Í þetta sinn sést hann best frá Norður-Ameríku og Evrópu, og að öllu leyti frá Íslandi.

Nánar má lesa um tunglmyrkvann á Stjörnufræðivefnum.

Almyrkvi á tungli útskýrður.



Fleiri fréttir

Sjá meira


×