Inspired by Iceland í Bankastræti

Verslunin Inspired by Iceland opnar í Bankastræti 11 í dag en verslunin var áður í flugstöð Leifs Eiríkssonar. Í Inspired by Iceland varða til sölu íslenskar gæðavörur sem ættu að höfða jafnt til ferðamanna sem Íslendinga.

„Við getum verið stolt af þeirri miklu grósku sem er í íslenskri framleiðslu og fyrir verslunarmann eins og mig er fátt skemmtilegra en að fræða áhugasama um íslenskar vörur og söguna þar á bakvið“, segir Sigurður Karlsson, rekstarstjór Inspired by Iceland, í tilkynningu frá versluninni.

Á meðal þeirra vara sem hægt verður að nálgast í Inspired by Iceland eru húðvörur frá Sóley Organics og Purity Herbs, konfekt frá Hafliða Ragnarssyni og hönnun Sveinbjargar Hafsteinsdóttur, svo eitthvað sé nefnt.