Matur

Saltfisksbaka með ólífum, klettasalati og hvítlauks aioli

Rikka skrifar
visir

Gómsæt saltfiskbaka að hætti Eyþórs úr þætti gærkvöldins á Stöð 2

Saltfisksbaka meðólífum, klettasalati og hvítlauks aioli

Bökudeigið

250 gr hveiti

2 teskeiðar sykur

½ tsk salt

½ tsk lyftiduft

110-130 ml nýmjólk

2 msk ólífuolía

Setjið öll þurrefnin saman í skál og blandið þeim vel saman með höndunum. Gerið holu í miðjuna á skálinni og bætið mjólkinni og ólífuolíunni út í. Setjið hendurnar í miðjuna og bætið smám saman hveitinu út í mjólkina. Þegar blandan er orðin að deigi takið þið deigið og setjið á eldhúsbekkinn ásamt smá hveiti og hnoðið deigið þar til það er orðið að þéttri og fallegri kúlu. Setjið smá olíu í botninn á skál og setjið deigið í skálina og látið það standa á heitum stað í ca 20 mín. Skiptið deiginu í 4 kúlur og fletjið það út. Hitið grillið með pizzasteininum inn í og setjið deigið á hann þegar grillið hefur náð hæsta hita.

Kryddjurtaolía

hvítlauksgeiri (fínt rifinn)

1 búnt ítölsk steinselja ( fínt skorin)

1 sítróna (bara börkurinn fínt rifinn)

50 ml ólífuolía

sjávarsalt

svartur pipar úr kvörn

Blandið öllu hráefninu saman og smakkið til með saltinu og piparnum.

Aioli

2 hvítlauksgeirar

2 eggjarauður

100 ml ólífuolía

1 tsk dijonsinnep

1 tsk sítrónusafi

1 10 stk saffran þræðir (leystir upp í smá hvítvíni eða vatni)

Sjávarsalt

Merjið hvítlaukinn í morteli og setjið svo í meðalstóra skál. Bætið sinnepinu út í og svo eggjarauðunum. Bætið svo smám saman olíunni út í eggin og pískið í á meðan. Þegar öll olían er komin út í og blandan er orðin þykk smakkið þið hana til með saltinu og sítrónusafanum.

Saltfiskurinn

300 gr saltfiskur (bein og roðlaus)

4 msk Gremolata

50 ml extra virgin ólífuolía

álpappír

Pakkið saltfisknum inn í álpappírinn með gremolatanu og ólífuolíunni. Setjið hann á heitt grillið og grillið í 8 mín. Hellið vökvanum af fisknum. Smyrjið gremolatanu yfir böku botninn, setjið klettasalatið yfir, raðið svo saltfisknum á bökuna og dreifið í lokin kirsuberjatómötunum og ólífunum yfir.

Meðlæti

1 poki klettaslat

80 gr góðar ólífur

1 box cherry tómatar grillaðir í 1 mín á hvorri hlið og velt upp úr hvítlauksolíu og kryddaðir með salti og pipar


Tengdar fréttir

Grilluð risahörpuskel með misodressingu að hætti Eyþórs

Eyþór Rúnarsson hefur svo sannarlega slegið í gegn með þáttum sínum Sumar- og grillréttir Eyþórs á Stöð 2. Hann er með girnilegar hugmyndir sem henta fullkomlega á sumarhlaðborðið nú eða bara á sumarborðið inni ef það rignir úti.






Fleiri fréttir

Sjá meira


×