Matur

Grilluð risahörpuskel með misodressingu að hætti Eyþórs

Rikka skrifar
visir/skjaskot

Eyþór Rúnarsson hefur svo sannarlega slegið í gegn með þáttum sínum Sumar- og grillréttir Eyþórs á Stöð 2. Hann er með girnilegar hugmyndir sem henta fullkomlega á sumarhlaðborðið nú eða bara á sumarborðið inni ef það rignir úti.

Grilluð risahörpuskel með grilluðu grænmeti í mísó-dressingu

Hörpuskelin

50 ml ólífuolía

1 hvítlauksgeiri (fínt rifinn)

2 msk. lime-safi

3 msk. sojasósa

2 msk. sesamolía

12 stk. stórar hörpuskeljar

Sjávarsalt

Svartur pipar úr kvörn

Setjið allt hráefnið nema hörpuskelina saman í matvinnsluvél og vinnið saman í 1 mín. Setjið hörpuskelina í marineringuna og látið standa í 1-2 tíma. Þerrið mestu olíuna af hörpuskelinni, þræðið hana svo upp á spjót og grillið í um 2 mín. á hvorri hlið.

Mísó-dressing



½ rauðlaukur

1 hvítlauksgeiri

130 g mísó

2 msk. sesamolía

2 msk. sojasósa

2 msk. hrísgrjónaedik

2 msk. mirin

2 msk. vatn

60 ml ólífuolía

Setjið allt hráefnið saman í matvinnsluvél og vinnið saman í 1 mín.

Meðlæti í dressingu

8 stk. smámaís

1 stk. paprika (smátt skorin)

4 msk. granateplakjarnar

2 msk. fínt skorinn graslaukur

2 msk. ólífuolía

Sjávarsalt

Svartur pipar

Grillið smámaísinn og paprikuna þar til hvort tveggja er orðið mjúkt í gegn. Skerið svo niður í litla bita og setjið í skál með hinu hráefninu og smakkið til með saltinu og piparnum.

Grillaður kúrbítur

1 stk. kúrbítur

Ólífuolía

Sjávarsalt

Svartur pipar

Grillið kúrbítinn í 2 mín. á hvorri hlið og penslið svo með ólífuolíu og kryddið með salti og pipar.

Skraut

4 msk. fínt skorið þurrkað mangó


Tengdar fréttir

Blómkálssushi með grillaðri risarækju að hætti Eyþórs

Eyþór Rúnarsson býr hér til frábært sushi. Eva Laufey kíkir í heimsókn til Eyþórs Rúnarssonar en hann sýndi henni snilldartakta í eldhúsinu. Eyþór er mættur aftur á skjáinn á Stöð 2 á fimmtudagskvöldum með gómsæta sumar og grillrétti við allra hæfi.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.