Þurfti 17 högg til þess að klára eina holu

Rússneski kylfingurinn Andrey Pavlov fór ekki beint á kostum á Lyoness Open-mótinu í dag en mótið er liður af Evrópumótaröðinni.

Hann lenti nefnilega í því að þurfa að taka 17 högg á einni og sömu holunni. Hún er par 5 en Pavlov fór alls sex sinnum í vatn á holunni.

Pavlov endaði hringinn á 90 höggum. Hann fór fyrsta hringinn á mótinu á 71 höggi.

Eins merkilegt og það nú er þá er þetta ekki met. Metið í Evrópumótaröðinni er 20 högg á einni holu en það met var sett árið 1978.