Hæfileikafólks leitað fyrir þriðju seríu Ísland Got Talent

Leitin er hafin á ný að þátttakendum fyrir sjónvarpsþáttaröðina Ísland Got Talent, en þriðja þáttaröðin hefur göngu sína á Stöð 2 í vetur. Hátt í þúsund atriði tóku þátt í fyrra en þá bar söngkonan Alda Dís sigur úr bítum eftir eftirminnilegt úrslitakvöld.

Stöð 2 leitar að fólki á öllum aldri sem hefur einstaka hæfileika til að syngja, dansa, leika á hljóðfæri, sýna töfrabrögð, fara með uppistand eða annað sem mun heilla þjóðina. Leitað er að fólki allstaðar að af landinu og á öllum aldri.

Skráning í áheyrnarprufur verður auglýst fljótlega með haustinu.

Frábærar fréttir, við förum í gang aftur næsta vetur! Þið hafið sumarið til þess að æfa ykkur. Verður þú næsta stjarna Ísland got Talent?

Posted by Ísland Got Talent on 5. júní 2015