Umfjöllun og viðtöl: Grótta - ÍBV 27-16 | Öruggur sigur deildarmeistaranna Ingvi Þór Sæmundsson í Hertz-höllinni skrifar 23. apríl 2015 15:09 Vísir/Vilhelm Grótta rúllaði yfir ÍBV í fyrsta leik liðanna í undanúrslitum Olís-deildar kvenna í handbolta. Lokatölur 27-16, Seltirningum í vil. Eftir brösugan fyrri hálfleik gáfu deildar- og bikarmeistararnir í í seinni hálfleik og hreinlega völtuðu yfir ráðalaust lið ÍBV sem þarf að bæta leik sinn verulega á öllum svipum ef það ætlar ekki að láta sópa sér út úr úrslitakeppninni. Það er ekki hægt að segja að fyrri hálfleikurinn hafi verið vel leikinn. Varnarleikur liðanna var reyndar ágætur og þá sérstaklega hjá Gróttu en sóknarleikur liðanna var vondur. Þau gerðu ótal mörg klaufamistök og tapaðir boltar voru samtals 22, 10 hjá gestunum úr Eyjum og 12 hjá Gróttu. Seltirningar voru sterkari aðilinn í fyrri hálfleik en náðu aldrei að slíta sig frá Eyjaliðinu. Íris Björk Símonardóttir var öflug í marki Gróttu og varði alls 14 skot í fyrri hálfleik, eða 61% þeirra skota sem hún fékk á sig. Markvarslan hjá ÍR var engin til að byrja með en Ólöf Kolbrún Ragnarsdóttir átti ágætis innkomu og kom í veg fyrir að Grótta næði afgerandi forskoti. Heimakonur komust í 6-3 en þá við 10 mínútna kafli án marks. ÍBV mistókst hins vegar að nýta sér þessa tregðu í sóknarleik Gróttu og Seltirningar náðu aftur áttum á lokakafla fyrri hálfleiks. Grótta komst mest fjórum mörkum yfir en Elín Anna Baldursdóttir sá til þess að munurinn var þrjú mörk í hálfleik, 12-9, þegar hún skoraði úr vítakasti eftir að leiktíminn var runninn út. Eyjakonur byrjuðu seinni hálfleikinn einni fleiri og nýttu sér það til að skora tvö mörk og minnka muninn í eitt mark, 12-11. Grótta svaraði með 4-2 kafla en Eyjakonur fengu gott tækifæri til að minnka muninn enn frekar þegar Anna Úrsúla Guðmundsdóttir fékk sína aðra brottvísun í stöðunni 16-13. En í staðinn fyrir að ÍBV minnkaði muninn skoraði Grótta tvö mörk gegn engu á næstu tveimur mínútum og náði fimm marka forskoti, 18-13. Og þá var björninn unninn. Íris varði allt sem á markið kom og smám saman misstu Eyjakonur þá litlu trú sem þær virtust hafa á verkefninu. Sóknarleikurinn var átakanlega slakur allan leikinn, vörninn holótt og markvarslan lítil. Grótta bætti jafnt og þétt við forskotið og vann að lokum 11 marka sigur, 27-16. Anett Köbli var markahæst í liði Gróttu með sjö mörk en Karólína Bæhrenz Lárudóttir kom næst með fimm mörk, en fjögur þeirra komu eftir hraðaupphlaup. Íris átti lygilegan leik milli stanganna og varði 23 skot, eða 61% þeirra skota sem hún fékk á sig í leiknum. Díana Dögg Magnúsdóttir skoraði mest í liði ÍBV eða fimm mörk. Liðin mætast öðru sinni úti í Eyjum á laugardaginn.Kári: Flýttum okkur of mikið í fyrri hálfleik Kári Garðarsson, þjálfari Gróttu, viðurkenndi að hans stúlkur hefðu verið hálf ryðgaðar í byrjun leiks enda tvær vikur liðnar frá síðasta leik liðsins. „Eyjaliðið er gott og með flott byrjunarlið og við þurfum að eiga góðan dag til að vinna það,“ sagði Kári. „Við vorum ekkert sérstaklega hress með sóknarleikinn í fyrri hálfleik. Það komu alltof langir kaflar þar sem lítið gekk og við gerðum of marga tæknifeila. „Varnarleikurinn var hins vegar sterkur allan tímann og við erum ánægð með hann og svo var Íris auðvitað frábær fyrir aftan. „En við náðum svo að rífa okkur í gang og byggja upp forskot með góðum varnarleik og hraðaupphlaupum,“ sagði Kári. Grótta tapaði boltanum 12 sinnum í fyrri hálfleik og lækkaði þá tölu í seinni hálfleik sem skipti sköpum að mati Kára. „Það gerði það. Í fyrri hálfleik ætluðum við okkur að leysa ráðgátuna eftir tvær sendingar og flýttum okkur alltof mikið. „Við vorum í sendingavandræðum og köstuðum boltanum of oft í hendurnar á þeim,“ sagði Kári en við hverju býst hann á laugardaginn þegar liðin mætast í annað sinn? „Ég býst við hörkuleik. Eyjamenn munu væntanlega fylla kofann sinn og reyna að koma til baka. Við þurfum að koma vel gíraðar í þann leik,“ sagði þjálfarinn að lokum.Íris Björk: Ekki jafn auðvelt og tölurnar gefa til kynna Íris Björk Símonardóttir átti stórleik þegar Grótta tók 1-0 forystu í undanúrslitaeinvíginu við ÍBV með öruggum 11 marka sigri í Hertz-höllinni í dag. En var sigurinn jafn auðveldur og tölurnar gefa til kynna? „Nei, þessar tölur eru mjög blekkjandi. Þetta var leikur allan tímann og þeir sem þekkja þetta Eyjalið vita að þær gefast aldrei upp, sama hvernig staðan er,“ sagði Íris í samtali við Vísi eftir leik. Fyrri hálfleikurinn var fremur illa spilaður af beggja hálfu en tvær vikur eru síðan liðin léku síðast. „Það var smá ryð í leikmönnum. Það kom auðvitað þetta tveggja vikna hlé og við iðuðum í skinninu að byrja aftur,“ sagði Íris sem varði 23 skot í leiknum í dag. „Við byrjuðum af krafti en duttum aðeins of mikið niður um miðjan fyrri hálfleik. Við rifum okkur aftur upp en í byrjun seinni hálfleiks fór aftur um mig þegar ÍBV minnkaði muninn í eitt mark. „En við héldum haus og kláruðum þetta,“ sagði Íris sem var ánægð með varnarleik Seltirninga í dag. „Vörnin var meiriháttar í dag og við markverðirnir stóðum vel fyrir aftan. Þetta er uppskrift af sigri í handboltaleik,“ sagði Íris sem býst við erfiðari leik á laugardaginn. „Já, það eitt að mæta til Vestmannaeyja er alltaf krefjandi. Við höndluðum það í deildarleiknum gegn þeim og vonandi mætum við jafn vel stemmdar til leiks á laugardaginn. „Við vitum hvað til þarf og það er að standa frábæra vörn og keyra á þær. Ef við gerum það hef ég ekki áhyggjur en ef við gerum það ekki hef ég áhyggjur,“ sagði Íris að endingu. Olís-deild karla Mest lesið Kaupstefna Brighton ástæðan fyrir brotthvarfi De Zerbi Enski boltinn „Spilum eins og það sé enginn morgundagur“ Körfubolti Völdu Albert í lið ársins Fótbolti Uppgjör, viðtöl og myndir: Grindavík-Valur 93-89 | Gulir jöfnuðu metin Körfubolti „Eins og Svali segir: Móðir allra íþrótta“ Körfubolti Tuchel daðrar við Man United og Chelsea Enski boltinn Tel að ég geti hjálpað liðinu að ná í fleiri sigra Íslenski boltinn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn „Okkar langar rosalega að klífa upp töfluna“ Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Fleiri fréttir Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Sjá meira
Grótta rúllaði yfir ÍBV í fyrsta leik liðanna í undanúrslitum Olís-deildar kvenna í handbolta. Lokatölur 27-16, Seltirningum í vil. Eftir brösugan fyrri hálfleik gáfu deildar- og bikarmeistararnir í í seinni hálfleik og hreinlega völtuðu yfir ráðalaust lið ÍBV sem þarf að bæta leik sinn verulega á öllum svipum ef það ætlar ekki að láta sópa sér út úr úrslitakeppninni. Það er ekki hægt að segja að fyrri hálfleikurinn hafi verið vel leikinn. Varnarleikur liðanna var reyndar ágætur og þá sérstaklega hjá Gróttu en sóknarleikur liðanna var vondur. Þau gerðu ótal mörg klaufamistök og tapaðir boltar voru samtals 22, 10 hjá gestunum úr Eyjum og 12 hjá Gróttu. Seltirningar voru sterkari aðilinn í fyrri hálfleik en náðu aldrei að slíta sig frá Eyjaliðinu. Íris Björk Símonardóttir var öflug í marki Gróttu og varði alls 14 skot í fyrri hálfleik, eða 61% þeirra skota sem hún fékk á sig. Markvarslan hjá ÍR var engin til að byrja með en Ólöf Kolbrún Ragnarsdóttir átti ágætis innkomu og kom í veg fyrir að Grótta næði afgerandi forskoti. Heimakonur komust í 6-3 en þá við 10 mínútna kafli án marks. ÍBV mistókst hins vegar að nýta sér þessa tregðu í sóknarleik Gróttu og Seltirningar náðu aftur áttum á lokakafla fyrri hálfleiks. Grótta komst mest fjórum mörkum yfir en Elín Anna Baldursdóttir sá til þess að munurinn var þrjú mörk í hálfleik, 12-9, þegar hún skoraði úr vítakasti eftir að leiktíminn var runninn út. Eyjakonur byrjuðu seinni hálfleikinn einni fleiri og nýttu sér það til að skora tvö mörk og minnka muninn í eitt mark, 12-11. Grótta svaraði með 4-2 kafla en Eyjakonur fengu gott tækifæri til að minnka muninn enn frekar þegar Anna Úrsúla Guðmundsdóttir fékk sína aðra brottvísun í stöðunni 16-13. En í staðinn fyrir að ÍBV minnkaði muninn skoraði Grótta tvö mörk gegn engu á næstu tveimur mínútum og náði fimm marka forskoti, 18-13. Og þá var björninn unninn. Íris varði allt sem á markið kom og smám saman misstu Eyjakonur þá litlu trú sem þær virtust hafa á verkefninu. Sóknarleikurinn var átakanlega slakur allan leikinn, vörninn holótt og markvarslan lítil. Grótta bætti jafnt og þétt við forskotið og vann að lokum 11 marka sigur, 27-16. Anett Köbli var markahæst í liði Gróttu með sjö mörk en Karólína Bæhrenz Lárudóttir kom næst með fimm mörk, en fjögur þeirra komu eftir hraðaupphlaup. Íris átti lygilegan leik milli stanganna og varði 23 skot, eða 61% þeirra skota sem hún fékk á sig í leiknum. Díana Dögg Magnúsdóttir skoraði mest í liði ÍBV eða fimm mörk. Liðin mætast öðru sinni úti í Eyjum á laugardaginn.Kári: Flýttum okkur of mikið í fyrri hálfleik Kári Garðarsson, þjálfari Gróttu, viðurkenndi að hans stúlkur hefðu verið hálf ryðgaðar í byrjun leiks enda tvær vikur liðnar frá síðasta leik liðsins. „Eyjaliðið er gott og með flott byrjunarlið og við þurfum að eiga góðan dag til að vinna það,“ sagði Kári. „Við vorum ekkert sérstaklega hress með sóknarleikinn í fyrri hálfleik. Það komu alltof langir kaflar þar sem lítið gekk og við gerðum of marga tæknifeila. „Varnarleikurinn var hins vegar sterkur allan tímann og við erum ánægð með hann og svo var Íris auðvitað frábær fyrir aftan. „En við náðum svo að rífa okkur í gang og byggja upp forskot með góðum varnarleik og hraðaupphlaupum,“ sagði Kári. Grótta tapaði boltanum 12 sinnum í fyrri hálfleik og lækkaði þá tölu í seinni hálfleik sem skipti sköpum að mati Kára. „Það gerði það. Í fyrri hálfleik ætluðum við okkur að leysa ráðgátuna eftir tvær sendingar og flýttum okkur alltof mikið. „Við vorum í sendingavandræðum og köstuðum boltanum of oft í hendurnar á þeim,“ sagði Kári en við hverju býst hann á laugardaginn þegar liðin mætast í annað sinn? „Ég býst við hörkuleik. Eyjamenn munu væntanlega fylla kofann sinn og reyna að koma til baka. Við þurfum að koma vel gíraðar í þann leik,“ sagði þjálfarinn að lokum.Íris Björk: Ekki jafn auðvelt og tölurnar gefa til kynna Íris Björk Símonardóttir átti stórleik þegar Grótta tók 1-0 forystu í undanúrslitaeinvíginu við ÍBV með öruggum 11 marka sigri í Hertz-höllinni í dag. En var sigurinn jafn auðveldur og tölurnar gefa til kynna? „Nei, þessar tölur eru mjög blekkjandi. Þetta var leikur allan tímann og þeir sem þekkja þetta Eyjalið vita að þær gefast aldrei upp, sama hvernig staðan er,“ sagði Íris í samtali við Vísi eftir leik. Fyrri hálfleikurinn var fremur illa spilaður af beggja hálfu en tvær vikur eru síðan liðin léku síðast. „Það var smá ryð í leikmönnum. Það kom auðvitað þetta tveggja vikna hlé og við iðuðum í skinninu að byrja aftur,“ sagði Íris sem varði 23 skot í leiknum í dag. „Við byrjuðum af krafti en duttum aðeins of mikið niður um miðjan fyrri hálfleik. Við rifum okkur aftur upp en í byrjun seinni hálfleiks fór aftur um mig þegar ÍBV minnkaði muninn í eitt mark. „En við héldum haus og kláruðum þetta,“ sagði Íris sem var ánægð með varnarleik Seltirninga í dag. „Vörnin var meiriháttar í dag og við markverðirnir stóðum vel fyrir aftan. Þetta er uppskrift af sigri í handboltaleik,“ sagði Íris sem býst við erfiðari leik á laugardaginn. „Já, það eitt að mæta til Vestmannaeyja er alltaf krefjandi. Við höndluðum það í deildarleiknum gegn þeim og vonandi mætum við jafn vel stemmdar til leiks á laugardaginn. „Við vitum hvað til þarf og það er að standa frábæra vörn og keyra á þær. Ef við gerum það hef ég ekki áhyggjur en ef við gerum það ekki hef ég áhyggjur,“ sagði Íris að endingu.
Olís-deild karla Mest lesið Kaupstefna Brighton ástæðan fyrir brotthvarfi De Zerbi Enski boltinn „Spilum eins og það sé enginn morgundagur“ Körfubolti Völdu Albert í lið ársins Fótbolti Uppgjör, viðtöl og myndir: Grindavík-Valur 93-89 | Gulir jöfnuðu metin Körfubolti „Eins og Svali segir: Móðir allra íþrótta“ Körfubolti Tuchel daðrar við Man United og Chelsea Enski boltinn Tel að ég geti hjálpað liðinu að ná í fleiri sigra Íslenski boltinn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn „Okkar langar rosalega að klífa upp töfluna“ Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Fleiri fréttir Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Sjá meira
Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn
Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn