BMX Bros voru öruggir áfram í Ísland got Talent

Strákarnir í BMX Bros voru það atriði sem komst öruggt áfram í Ísland Got Talent þætti kvöldsins. Drengirnir fengu flest atkvæði í símakosningunni og stóðu því uppi sem sigurvegarar.

Atriði þeirra snerist um að leika listir sínar á BMX hjólum og gerðu þeir það lista vel. Aðdáunarvert var að fylgjast með þeim nýta það pláss sem þeir fengu á sviðinu en það var ekki mikið fyrir gripi á borð við hjólin.

Drengirnir eru því komnir áfram í úrslitaþáttinn sem fer fram 12. apríl í beinni útsendingu á Stöð 2.