Ekki boðað til þingfundar í dag

Einar K. Guðfinnsson, forseti Alþingis, hafnaði í morgun ósk minnihlutans um að haldinn verði þingfundur í dag til að ræða stöðuna sem upp er komin í Evrópusambandsmálum. Formenn þingflokka funduðu í morgun með Einari þar sem þess var krafist að boðað yrði til þingfundar.

Gunnar Bragi Sveinsson utanríkisráðherra tilkynnti í gær að Ísland væri ekki lengur umsóknarríki að ESB. Það gerði hann án þess að fara með málið fyrir þingið.

Stjórnarandstaðan hefur gagnrýnt ákvörðunina harðlega og þá staðreynd að þingið hafi ekki verið haft með í ráðum þegar ákvörðun var tekin um að endurvekja ekki aðildarferlið að ESB. Birgitta Jónsdóttir, þingmaður Pírata, tjáði sig um málið á Facebook en færslu hennar má sjá hér fyrir neðan.

Innlegg frá Byrgíta Jónsdóttir.