Umfjöllun, viðtöl og myndir: Valur - Grótta 14-29 | Fyrsti titill Gróttu Henry Birgir Gunnarsson í Laugardalshöllinni skrifar 28. febrúar 2015 00:01 Bikarinn fer hér á loft hjá Gróttustúlkum. Vísir/þórdís Grótta tryggði sér sinn fyrsta bikartitil í dag er kvennalið féalgsins slátraði reynslumiklu liði Vals. Valsliðið sá aldrei til sólar í leiknum og yfirburðir Gróttu með hreinum ólíkindum. Þetta er stærsta tap í sögu kvennabikarsins. Gróttustúlkur mættu gríðarlega ákveðnar til leiks. Ekki að merkja neitt stress í þeirra leik þó svo liðið hafi aldrei náð að vinna bikarinn áður. Það er skemmst frá því að segja að Gróttu-vörnin smellti í lás strax frá fyrstu mínútu og Íris Björk var í banastuði þar fyrir aftan. Valsstúlkur fundu engar glufur á vörn Gróttu og tóku hvert neyðarskotið á fætur öðru. Sóknarleikur Gróttu gekk svona þokkalega en ef hann hefði gengið mikið betur hefði Valur verið tíu plús mörkum undir í hálfleik. Munurinn var þó átta mörk, 15-7. Það hjálpaði ekki til að lykilmaður Vals, Kristín Guðmundsdóttir, fann sig engan veginn og nýtti ekki einu sinni opnu skotin þá sjaldan þau gáfust. Enginn sóknarleikmaður Vals fann sig yfir höfuð. Vörn Gróttu átti svör við öllu. Sama sagan var upp á teningnum í síðari hálfleik. Grótta slakaði ekkert á klónni og munurinn jókst með hverri mínútu. Vörnin frábær sem aldrei fyrr og Lovísa leiddi sóknarleikinn með mikilli ákveðni. Mögnuð stelpa. Valur tók sitt síðasta leikhlé um miðjan hálfleikinn en þá var liðið ekki búið að skora í átta sóknum í röð og var ellefu mörkum undir, 21-10. Það þurfti kraftaverk til en það kom ekki. Sama hvað Valskonur reyndu þá áttu þeir einfaldlega ekkert í frábært Gróttulið í dag. Það er erfitt að taka einhverja sérstaka úr liði Gróttu en þó verður að nefna þátt þeirra Önnu Úrsulu og Evu Margrétar sem voru stórkostlegar í vörninni. Vörðu skot og bundu þessa mögnuðu vörn saman. Íris síðan í banastuði þar fyrir aftan. Þegar vörnin og markvarslan smellur svona hjá Gróttu þá stenst ekkert lið á Íslandi Gróttu snúning. Laufey Ásta nýtti skotin sín vel og Lovísa sýndi mögnuð tilþrif líka í sókninni. Hjá Val varði Berglind Íris ágætlega á köflum en henni var oft vorkunn enda vörn Vals ekki upp á marga silunga í dag. Leikur liðsins komst aldrei í gang. Engin átti í raun góðan leik. Þær mættu ofjörlum sínum í dag.vísir/þórdísÍris: Var taugahrúga fyrir leik „Þetta er alveg yndislegt og einstök tilfinning," sagði brosmildur markvörður Gróttu, Íris Björk Símonardóttir, eftir sigurinn ótrúlega á Val í dag. Íris átti frábæran leik í marki Gróttu og var með 52 prósent markvörslu. „Ég var alger taugahrúga fyrir leik eins og ég er venjulega. Ég bjóst við hörkuleik sem hann og var til að byrja með. Við vorum stressaðar því við vitum vel hvað þetta Valslið getur. Við náðum að yfirstíga það og spila frábæran leik," sagði Íris Björk en hún hrósaði stelpunum í vörninni hástert. „Það er alveg einstakt að spila fyrir aftan þessa vörn sem gerir alla mína vinnu mjög þægilega. Við erum með turnana tvo í Önnu og Evu sem eru frábærar. „Ég bjóst aldrei við því að þessi leikur yrði svona. Ég átti von á hörkuleik fram á síðustu mínútu og jafnvel framlengingu. Það var skemmtilegra að klára þetta bara svona. Þetta er vonandi aðeins fyrsti titillinn af mörgum hjá okkur."vísir/þórdísKristín: Minn lélegasti leikur á ferlinum „Við sáum ekki til sólar fyrir utan fyrsta korterið. Við fengum alveg færin í upphafi en vorum að nýta þau mjög illa," sagði Kristín Guðmundsdóttir, leikmaður Vals, en hún fann sig ekki í dag frekar en aðrar stelpur í liði Vals. „Það fór allt í lás hjá okkur er við náum ekki að nýta skotin okkar. Þær eru með frábært varnarlið og við vorum alltaf að asnast til þess að fara inn á miðjuna." Þetta var stærsta bikartap í sögunni og það er skellur fyrir þetta reynda Valslið. „Stundum er samt erfiðara að tapa með einu marki. Ég er rosalega svekkt út í sjálfa mig enda var ég líklega að spila minn lélegasta leik á lífsleiðinni. Það er ekki boðlegt fyrir leikmann eins og mig. „Þetta er örugglega mín síðasta ferð í Höllina. Það er kannski sannað ég sé orðin gömul og lúin," sagði Kristín svekkt en það er engan veginn hægt að taka undir þessi svekkelsisorð hennar. Hún er enn frábær leikmaður.vísir/þórdísKári: Vonandi ekki síðasti titillinn „Þetta er ólýsanleg tilfinning og ómetanlegt að vera hluti af því að taka þennan stóra titil," sagði stoltur þjálfari Gróttu, Kári Garðarsson. „Það var stórkostlegt að sjá mætinguna og stuðninginn sem við fengum hér í dag. Ég þakka öllum fyrir það. Það gekk allt upp hjá okkur í dag. Það er ekki hægt að neita því." Varnarleikurinn og markvarsla Írisar lagði þó grunninn að þessum ótrúlega sigri. „Þær voru helvíti þéttar, afsakið orðbragðið, inn á miðjunni hjá okkur þær Eva og Anna. Svo erum við með góða leikmenn líka í bakvarðarstöðunum líka. Svo er Íris í markinu og hún ver oftast það sem kemur á markið. Þetta var stórkostlegt," sagði Kári en það var ekki að sjá stress á hans liði sem er ekki eins reynt og Valsliðið. „Við eigum nokkra leikmenn sem hafa verið hér áður. Það telur. Þetta er vonandi ekki síðasti titillinn okkar í vetur. Við erum á ágætri siglingu og að spila vel." Olís-deild kvenna Mest lesið Íhuga að reka Xavi sem hætti við að hætta Fótbolti Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Efsti maður heimslistans tók upphitunina í fangaklefanum Golf Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Fleiri fréttir „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Sjá meira
Grótta tryggði sér sinn fyrsta bikartitil í dag er kvennalið féalgsins slátraði reynslumiklu liði Vals. Valsliðið sá aldrei til sólar í leiknum og yfirburðir Gróttu með hreinum ólíkindum. Þetta er stærsta tap í sögu kvennabikarsins. Gróttustúlkur mættu gríðarlega ákveðnar til leiks. Ekki að merkja neitt stress í þeirra leik þó svo liðið hafi aldrei náð að vinna bikarinn áður. Það er skemmst frá því að segja að Gróttu-vörnin smellti í lás strax frá fyrstu mínútu og Íris Björk var í banastuði þar fyrir aftan. Valsstúlkur fundu engar glufur á vörn Gróttu og tóku hvert neyðarskotið á fætur öðru. Sóknarleikur Gróttu gekk svona þokkalega en ef hann hefði gengið mikið betur hefði Valur verið tíu plús mörkum undir í hálfleik. Munurinn var þó átta mörk, 15-7. Það hjálpaði ekki til að lykilmaður Vals, Kristín Guðmundsdóttir, fann sig engan veginn og nýtti ekki einu sinni opnu skotin þá sjaldan þau gáfust. Enginn sóknarleikmaður Vals fann sig yfir höfuð. Vörn Gróttu átti svör við öllu. Sama sagan var upp á teningnum í síðari hálfleik. Grótta slakaði ekkert á klónni og munurinn jókst með hverri mínútu. Vörnin frábær sem aldrei fyrr og Lovísa leiddi sóknarleikinn með mikilli ákveðni. Mögnuð stelpa. Valur tók sitt síðasta leikhlé um miðjan hálfleikinn en þá var liðið ekki búið að skora í átta sóknum í röð og var ellefu mörkum undir, 21-10. Það þurfti kraftaverk til en það kom ekki. Sama hvað Valskonur reyndu þá áttu þeir einfaldlega ekkert í frábært Gróttulið í dag. Það er erfitt að taka einhverja sérstaka úr liði Gróttu en þó verður að nefna þátt þeirra Önnu Úrsulu og Evu Margrétar sem voru stórkostlegar í vörninni. Vörðu skot og bundu þessa mögnuðu vörn saman. Íris síðan í banastuði þar fyrir aftan. Þegar vörnin og markvarslan smellur svona hjá Gróttu þá stenst ekkert lið á Íslandi Gróttu snúning. Laufey Ásta nýtti skotin sín vel og Lovísa sýndi mögnuð tilþrif líka í sókninni. Hjá Val varði Berglind Íris ágætlega á köflum en henni var oft vorkunn enda vörn Vals ekki upp á marga silunga í dag. Leikur liðsins komst aldrei í gang. Engin átti í raun góðan leik. Þær mættu ofjörlum sínum í dag.vísir/þórdísÍris: Var taugahrúga fyrir leik „Þetta er alveg yndislegt og einstök tilfinning," sagði brosmildur markvörður Gróttu, Íris Björk Símonardóttir, eftir sigurinn ótrúlega á Val í dag. Íris átti frábæran leik í marki Gróttu og var með 52 prósent markvörslu. „Ég var alger taugahrúga fyrir leik eins og ég er venjulega. Ég bjóst við hörkuleik sem hann og var til að byrja með. Við vorum stressaðar því við vitum vel hvað þetta Valslið getur. Við náðum að yfirstíga það og spila frábæran leik," sagði Íris Björk en hún hrósaði stelpunum í vörninni hástert. „Það er alveg einstakt að spila fyrir aftan þessa vörn sem gerir alla mína vinnu mjög þægilega. Við erum með turnana tvo í Önnu og Evu sem eru frábærar. „Ég bjóst aldrei við því að þessi leikur yrði svona. Ég átti von á hörkuleik fram á síðustu mínútu og jafnvel framlengingu. Það var skemmtilegra að klára þetta bara svona. Þetta er vonandi aðeins fyrsti titillinn af mörgum hjá okkur."vísir/þórdísKristín: Minn lélegasti leikur á ferlinum „Við sáum ekki til sólar fyrir utan fyrsta korterið. Við fengum alveg færin í upphafi en vorum að nýta þau mjög illa," sagði Kristín Guðmundsdóttir, leikmaður Vals, en hún fann sig ekki í dag frekar en aðrar stelpur í liði Vals. „Það fór allt í lás hjá okkur er við náum ekki að nýta skotin okkar. Þær eru með frábært varnarlið og við vorum alltaf að asnast til þess að fara inn á miðjuna." Þetta var stærsta bikartap í sögunni og það er skellur fyrir þetta reynda Valslið. „Stundum er samt erfiðara að tapa með einu marki. Ég er rosalega svekkt út í sjálfa mig enda var ég líklega að spila minn lélegasta leik á lífsleiðinni. Það er ekki boðlegt fyrir leikmann eins og mig. „Þetta er örugglega mín síðasta ferð í Höllina. Það er kannski sannað ég sé orðin gömul og lúin," sagði Kristín svekkt en það er engan veginn hægt að taka undir þessi svekkelsisorð hennar. Hún er enn frábær leikmaður.vísir/þórdísKári: Vonandi ekki síðasti titillinn „Þetta er ólýsanleg tilfinning og ómetanlegt að vera hluti af því að taka þennan stóra titil," sagði stoltur þjálfari Gróttu, Kári Garðarsson. „Það var stórkostlegt að sjá mætinguna og stuðninginn sem við fengum hér í dag. Ég þakka öllum fyrir það. Það gekk allt upp hjá okkur í dag. Það er ekki hægt að neita því." Varnarleikurinn og markvarsla Írisar lagði þó grunninn að þessum ótrúlega sigri. „Þær voru helvíti þéttar, afsakið orðbragðið, inn á miðjunni hjá okkur þær Eva og Anna. Svo erum við með góða leikmenn líka í bakvarðarstöðunum líka. Svo er Íris í markinu og hún ver oftast það sem kemur á markið. Þetta var stórkostlegt," sagði Kári en það var ekki að sjá stress á hans liði sem er ekki eins reynt og Valsliðið. „Við eigum nokkra leikmenn sem hafa verið hér áður. Það telur. Þetta er vonandi ekki síðasti titillinn okkar í vetur. Við erum á ágætri siglingu og að spila vel."
Olís-deild kvenna Mest lesið Íhuga að reka Xavi sem hætti við að hætta Fótbolti Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Efsti maður heimslistans tók upphitunina í fangaklefanum Golf Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Fleiri fréttir „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Sjá meira