Lögreglan leitar að Ólöfu

Uppfært: Ólöf er fundin, heil á húfi. 



Lögreglan á höfuðborgarsvæðinu leitar að Ólöfu Þorbjörgu Pétursdóttur, sem er átján ára. Ólöf er þroskaskert og getur lítið sem ekkert tjáð sig. Þetta kemur fram í tilkynningu frá lögreglunni.

Ólöf er 155 sentímetrar á hæð, þéttvaxin og með skolleitt, millisítt hár. Síðast þegar sást til hennar var hún klædd í rauða vindúlpu með krafa, rauða húfu á höfði, svartar buxur og svarta skó og gæti hugsanlega verið með svarta og rauða skólatösku. Hún er almennt kölluð Lóa og svarar því nafni.

Björgunarsveitir voru kallaðar út um klukkan 18.45 og er á sjöunda tug björgunarmanna nú við leitina, aðallega í miðbæ Reykjavíkur og við höfnina. 

Síðast er vitað um ferðir Ólafar við Pósthússtræti 3-5 við Hitt húsið um klukkan 13 í dag. Þangað var henni ekið en skilaði hún sér ekki þangað inn, að því er fram kemur í tilkynningu frá Landsbjörg.  ögregla biður þá sem telja sig hafa vitneskju um ferðir stúlkunnar um að hafa samband í síma 444-1000.