Vill svar um kostnað við framkvæmd og kynningu á „leiðréttingunni“

Katrín Jakobsdóttir, formaður Vinstri grænna, hefur lagt inn fyrirspurn til fjármála- og efnahagsráðherra um kostnað við framkvæmd og kynningu á skuldaniðurfærslu verðtryggðra fasteignaveðlána, eða „leiðréttinguna“ svokallaða.

Skriflegs svars hefur verið óskað, en fyrirspurnin hljómar á þessa leið í heild sinni:

„1. Hver er áætlaður kostnaður samtals við framkvæmd og kynningu á skuldaniðurfærslu verðtryggðra fasteignaveðlána? Óskað er eftir sundurliðun á öllum kostnaði við skuldaniðurfærsluna sem ekki er veitt til framteljenda sjálfra.

2. Hversu stór hluti þessa kostnaðar er vegna kynningar og almannatengsla í tengslum við niðurfærsluna?“