Innlent

Sex tímar í næstu verkfallslotu en viðræður þokast

Kristjana Guðbrandsdóttir skrifar
„Þetta þokast,“ segir Sigurveig Pétursdóttir, formaður samninganefndar Læknafélags Íslands, þótt allar líkur séu á því að næsta verkfallslota lækna hefjist á miðnætti.

Sigurveig sat fyrir svörum blaðamanna klukkan sex í kvöld, þegar sex tímar eru í að læknar á aðgerða- og flæðisviði Landspítalans leggi niður störf ef ekki verður búið að semja fyrir þann tíma.

Þeim sviðum tilheyra meðal annars bráðamóttaka, gjörgæsla og skurðdeildir. Þá leggja læknar á ýmsum stofnunum einnig niður störf til að mynda hjá Landlæknisembættinu og Greiningarstöð ríkisins.

Sigurveig sagði aðspurð lækna hafa gefið mikið eftir í samningum við ríkið en vildi ekki greina frá því hvort eftirgjöfin hafi verið meiri í dag en aðra daga við samningaborðið.

Verkfallsaðgerðirnar verða í gangi næstu tólf vikurnar ef ekki semst. 




Fleiri fréttir

Sjá meira


×