Umfjöllun, viðtöl og einkunnir: ÍBV - Breiðablik 2-0 | Fyrsta tap Blika kom í Eyjum | Sjáðu mörkin Guðmundur Tómas Sigfússon skrifar 28. júní 2015 00:01 Vísir/Andri Marinó Eyjamenn urðu fyrstir til þess að leggja Blika þegar liðin áttust við á Hásteinsvelli í dag. Lokatölur voru 2-0 en Eyjamenn skoruðu bæði mörkin á tveggja mínútna kafla í seinni hálfleik. Blikar áttu engin svör og fyrsta tap þeirra því staðreynd. Fyrr í vikunni þurfti Jóhannes Þór Harðarson, að taka sér frí frá þjálfun liðsins, sökum fjölskylduaðstæðna. Ingi Sigurðsson og Tryggvi Guðmundsson tóku við þjálfun liðsins en í dag var Tryggvi veikur. Ingi Sigurðsson var því við stjórnvölinn í dag, honum til halds og trausts var fyrirliði Eyjamanna, Andri Ólafsson. Þeir félagar voru líflegir á hliðarlínunni og komust leikmenn ÍBV því ekki upp með neitt múður. Blikar eru enn án síns besta manns það sem af er leiktíð en Höskuldur Gunnlaugsson er enn að glíma við veikindi. Atli Sigurjónsson hélt því sæti sínu í liðinu en Höskuldur hefur verið í frábæru formi. Arnór Sveinn Aðalsteinsson fékk að velja vallarhelming en hann valdi að leika með vindi í fyrri hálfleik. Menn velta því fyrir sér hvort það hefði ekki verið betra að byrja gegn vindi og nýta hann því í síðari hálfleiknum. Arnar Grétarsson sagði þó í viðtali eftir leik að oft væri betra fyrir lið eins og Breiðablik að leika gegn vindinum. Eyjamenn stóðu af sér áhlaup Blika í fyrri hálfleik en það var mjög mikilvægt fyrir þá að halda hreinu þar. Þá ættu þeir alltaf séns í síðari hálfleik með vindinn í bakið. Fátt var um fína drætti í fyrri hálfleiknum en liðin fengu sitt hvort færið en heimsklassamarkvörslur beggja megin komu í veg fyrir mörk. Fyrst varði Guðjón Orri Sigurjónsson skalla Arnþórs Ara Atlasonar af stuttu færi. Víðir Þorvarðarson átti síðan frábært skot úr aukaspyrnu gegn vindinum sem að Gunnleifur Gunnleifsson náði að slá í stöngina. Í síðari hálfleik var augljóst að Eyjamenn ætluðu að sækja sigur, þeir pressuðu hátt á vellinum og komu í veg fyrir það að Blikar kæmu spili í gang. Þegar tuttugu mínútur voru liðnar af seinni hálfleik fengu Blikar góðan kafla. Þeir áttu dauðafæri þar sem að Ellert Hreinsson náði skoti á markið, Guðjón Orri Sigurjónsson var svo sannarlega betri en enginn í markinu og kom í veg fyrir að Blikar næðu forystu. Jonathan Glenn fékk síðan boltann eftir sendingu Víðis Þorvarðarsonar inni í teig gestanna og þakkaði pent fyrir sig. Hann sneri af sér varnarmann og skilaði boltanum í fjærhornið. Gestirnir höfðu varla tekið miðjuna þegar Bjarni Gunnarsson fékk boltann úti á kantinum og teiknaði boltann á ennið á Víði Þorvarðarsyni sem stangaði boltann í netið. Á þessum tveggja mínútna kafla gerðu Eyjamenn úti um leikinn en það mátti sjá það á varamannabekk Eyjamanna hversu mikið þessi sigur þýddi fyrir Inga Sigurðsson og félaga. Heimamenn virkuðu líklegri til þess að bæta við marki, heldur en Blikar að jafna metin. Fleiri urðu mörkin þó ekki og fyrsta tap Blika í nokkuð langan tíma því staðreynd. Breiðablik getur því fallið niður í þriðja sæti deildarinnar eftir umferðina en Eyjamenn koma sér í vænlega stöðu og fá byr undir báða vængi fyrir 8-liða úrslitin í bikarnum um næstu helgi.Arnar Grétarsson: Þurfum að nýta færin „Maður er aldrei ánægður með að tapa. Við áttum von á erfiðum leik útaf því að alltaf þegar nýr maður kemur inn, þá kemur aukinn kraftur í liðið,“ sagði Arnar Grétarsson, þjálfa Blika, eftir fyrsta tap sinna manna á leiktíðinni. Jóhannes Þór Harðarson, þjálfari Eyjamanna, þurfti að taka sér frí frá þjálfun liðsins en Ingi Sigurðsson og Tryggvi Guðmundsson tóku við. „Við vorum búnir að sjá síðustu leiki með ÍBV en þá voru þeir að standa sig vel. Þeir stóðu sig vel á móti Val og stóðu sig vel á móti FH hérna heima þó að þeir hafi tapað 1-4. Það kom mér ekkert á óvart í þessum leik en það virtist koma okkar mönnum aðeins á óvart í fyrri hálfleik vegna þess að við vorum ekki með.“ „Mér fannst við koma vel inn í seinni hálfleikinn og vorum í raun miklu betra liðið fram að því að þeir skora markið. Við vorum búnir að fá þrjú þvílík dauðafæri, menn þurfa að nýta færin sem við gerðum ekki. Þetta er það sem skilur á milli,“ sagði Arnar en hann minnti einnig á tvö dauðafæri sem liðið fékk í fyrri hálfleiknum. „Ég verð að hæla Eyjamönnum mér fannst þeir spila vel og sýna það að þeir virkilega vildu þessi þrjú stig. Mér fannst það vanta, sérstaklega í fyrri hálfleik hjá okkur, það vantaði mikið upp á það. Við þurfum að nýta færin sem við erum að fá, sem við gerðum ekki. Við fengum svo kalda gusu í andlitið.“ Höskuldur Gunnlaugsson hefur verið frábær í liði Blika en hefur verið fjarverandi í síðustu tveimur leikjum. „Það er auðvitað alltaf svona þegar maður missir góða menn. Það er erfitt, ég tala nú ekki um þegar hann er búinn að vera í dúndurformi.“Ingi Sigurðsson: Fyrst og fremst vinnusemi „Það er ekki hægt að vera annað en ánægður, þvílík barátta, vinnuframlag, hlaupandi allan leikinn og hlaupandi fyrir hvern annan. Þeir eiga þetta svo fyllilega skilið, liðið er búið að vera á uppleið í síðustu leikjum,“ sagði Ingi Sigurðsson, sem gegndi þjálfarahlutverki hjá Eyjamönnum í dag. Jóhannes Þór Harðarson tók sér frí vegna veikinda í fjölskyldu hans í vikunni. „Strákarnir hafa verið að leggja sig vel fram í undanförnum leikjum og í dag gekk þetta bara ennþá betur. Gríðarlega stoltur af drengjunum, ég fullyrði það að Eyjamenn geta verið fyllilega stoltir af þessu liði eins og það spilaði í dag.“ Aðspurður að því hvað var það helsta sem skóp þennan sigur sagði Ingi það vera vinnuframlag. „Það var vinnuframlag, menn voru að vinna fyrir hvern annan, menn héldu sig við planið sem var lagt upp með. Þeir voru þolinmóðir, við héldum áfram og vissum að þetta myndi detta inn.“ „Við unnum vel úr því sem að aðstæður höfðu upp á að bjóða. Ég held að það sé fyrst og fremst gríðarleg vinnusemi drengjanna sem skapaði þennan sigur.“ „Mér fannst við vera mun sterkari í fyrri hálfleik, það var svona í upphafi seinni hálfleiks sem Blikarnir sýndu hvers þeir eru megnugir. Blikar eru með gríðarlega sterkt lið og hafa sýnt það. Mér fannst svo eftir að þeir náðu ekki að setja mark á okkur, við ná rónni aftur. Þá duttu mörkin inn hjá okkur.“Jonathan Glenn kom ÍBV 1-0 yfir á 72. mínútu: Víðir Þorvarðarson skoraði annað mark ÍBV á 74. mínútu: Pepsi Max-deild karla Mest lesið Lærisveinar Guðmundar í úrslit: Er eiginlega orðlaus Handbolti Utan vallar: Landsliðsþjálfarinn sem nennir ekki að koma til Íslands Fótbolti Yfirmenn Pep fullvissir um að félagið verði ekki sakfellt Enski boltinn „Þeir höfðu gott af þessu þessir litlu karlar í Aftureldingu“ Sport Íslandsmeistarinn Sverrir Þór hættur með Keflavík Körfubolti Skilur ekki fullorðið fólk sem rífur Caitlin Clark niður Körfubolti Þjálfarakapall knattspyrnusumarsins 2024: Hver tekur við Brighton, Bayern, Chelsea eða þá Man United? Fótbolti Þrennan sem eyðilagði fullkomið tímabil Leverkusen Fótbolti LaMelo kærður fyrir að keyra á ungan dreng Körfubolti Börn Bruno Fernandes kvöddu Jóhann: „Hann er toppmaður“ Enski boltinn Fleiri fréttir Starfsmaður Fylkis dæmdur í tveggja leikja bann „Menn eru gríðarlega súrir“ Uppgjörið, viðtöl og myndir: Breiðablik - Stjarnan 2-1 | Blikar minnkuðu forskot Víkinga „Þurftum bara að skerpa á nokkrum hlutum“ Uppgjörið og viðtöl: Fram 1-1 ÍA | Dýrkeypt klikk í lokin Uppgjör: HK - Valur 1-2 | Þriðji sigur Vals í röð Valsmenn hafa unnið alla deildarleiki sína við HK frá hruni Tveir leikir á Akureyri og bikarmeistararnir lentu á móti Fylki Sjáðu umdeilda vítið sem KR fékk og öll mörkin úr Bestu í gær Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði „Hann þekkir mig örugglega betur en ég sjálfur“ Jafnmörg mörk og rauð spjöld í Vestmannaeyjum Uppgjörið: Vestri-Víkingur 1-4 | Öruggur meistarasigur gegn nýliðunum „Rúnar skilur fótbolta og skilur fólk“ Hefur fest rætur á Íslandi eftir örlagaríkt símtal Kristján Guðmundsson: Aldrei brot og mjög slök frammistaða hjá dómurum leiksins Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Leiknir vann Breiðholtsslaginn og Njarðvík með fullt hús stiga Sandra María lagði upp bæði mörk Þórs/KA í bikarsigri á Dalvík Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ Sjá meira
Eyjamenn urðu fyrstir til þess að leggja Blika þegar liðin áttust við á Hásteinsvelli í dag. Lokatölur voru 2-0 en Eyjamenn skoruðu bæði mörkin á tveggja mínútna kafla í seinni hálfleik. Blikar áttu engin svör og fyrsta tap þeirra því staðreynd. Fyrr í vikunni þurfti Jóhannes Þór Harðarson, að taka sér frí frá þjálfun liðsins, sökum fjölskylduaðstæðna. Ingi Sigurðsson og Tryggvi Guðmundsson tóku við þjálfun liðsins en í dag var Tryggvi veikur. Ingi Sigurðsson var því við stjórnvölinn í dag, honum til halds og trausts var fyrirliði Eyjamanna, Andri Ólafsson. Þeir félagar voru líflegir á hliðarlínunni og komust leikmenn ÍBV því ekki upp með neitt múður. Blikar eru enn án síns besta manns það sem af er leiktíð en Höskuldur Gunnlaugsson er enn að glíma við veikindi. Atli Sigurjónsson hélt því sæti sínu í liðinu en Höskuldur hefur verið í frábæru formi. Arnór Sveinn Aðalsteinsson fékk að velja vallarhelming en hann valdi að leika með vindi í fyrri hálfleik. Menn velta því fyrir sér hvort það hefði ekki verið betra að byrja gegn vindi og nýta hann því í síðari hálfleiknum. Arnar Grétarsson sagði þó í viðtali eftir leik að oft væri betra fyrir lið eins og Breiðablik að leika gegn vindinum. Eyjamenn stóðu af sér áhlaup Blika í fyrri hálfleik en það var mjög mikilvægt fyrir þá að halda hreinu þar. Þá ættu þeir alltaf séns í síðari hálfleik með vindinn í bakið. Fátt var um fína drætti í fyrri hálfleiknum en liðin fengu sitt hvort færið en heimsklassamarkvörslur beggja megin komu í veg fyrir mörk. Fyrst varði Guðjón Orri Sigurjónsson skalla Arnþórs Ara Atlasonar af stuttu færi. Víðir Þorvarðarson átti síðan frábært skot úr aukaspyrnu gegn vindinum sem að Gunnleifur Gunnleifsson náði að slá í stöngina. Í síðari hálfleik var augljóst að Eyjamenn ætluðu að sækja sigur, þeir pressuðu hátt á vellinum og komu í veg fyrir það að Blikar kæmu spili í gang. Þegar tuttugu mínútur voru liðnar af seinni hálfleik fengu Blikar góðan kafla. Þeir áttu dauðafæri þar sem að Ellert Hreinsson náði skoti á markið, Guðjón Orri Sigurjónsson var svo sannarlega betri en enginn í markinu og kom í veg fyrir að Blikar næðu forystu. Jonathan Glenn fékk síðan boltann eftir sendingu Víðis Þorvarðarsonar inni í teig gestanna og þakkaði pent fyrir sig. Hann sneri af sér varnarmann og skilaði boltanum í fjærhornið. Gestirnir höfðu varla tekið miðjuna þegar Bjarni Gunnarsson fékk boltann úti á kantinum og teiknaði boltann á ennið á Víði Þorvarðarsyni sem stangaði boltann í netið. Á þessum tveggja mínútna kafla gerðu Eyjamenn úti um leikinn en það mátti sjá það á varamannabekk Eyjamanna hversu mikið þessi sigur þýddi fyrir Inga Sigurðsson og félaga. Heimamenn virkuðu líklegri til þess að bæta við marki, heldur en Blikar að jafna metin. Fleiri urðu mörkin þó ekki og fyrsta tap Blika í nokkuð langan tíma því staðreynd. Breiðablik getur því fallið niður í þriðja sæti deildarinnar eftir umferðina en Eyjamenn koma sér í vænlega stöðu og fá byr undir báða vængi fyrir 8-liða úrslitin í bikarnum um næstu helgi.Arnar Grétarsson: Þurfum að nýta færin „Maður er aldrei ánægður með að tapa. Við áttum von á erfiðum leik útaf því að alltaf þegar nýr maður kemur inn, þá kemur aukinn kraftur í liðið,“ sagði Arnar Grétarsson, þjálfa Blika, eftir fyrsta tap sinna manna á leiktíðinni. Jóhannes Þór Harðarson, þjálfari Eyjamanna, þurfti að taka sér frí frá þjálfun liðsins en Ingi Sigurðsson og Tryggvi Guðmundsson tóku við. „Við vorum búnir að sjá síðustu leiki með ÍBV en þá voru þeir að standa sig vel. Þeir stóðu sig vel á móti Val og stóðu sig vel á móti FH hérna heima þó að þeir hafi tapað 1-4. Það kom mér ekkert á óvart í þessum leik en það virtist koma okkar mönnum aðeins á óvart í fyrri hálfleik vegna þess að við vorum ekki með.“ „Mér fannst við koma vel inn í seinni hálfleikinn og vorum í raun miklu betra liðið fram að því að þeir skora markið. Við vorum búnir að fá þrjú þvílík dauðafæri, menn þurfa að nýta færin sem við gerðum ekki. Þetta er það sem skilur á milli,“ sagði Arnar en hann minnti einnig á tvö dauðafæri sem liðið fékk í fyrri hálfleiknum. „Ég verð að hæla Eyjamönnum mér fannst þeir spila vel og sýna það að þeir virkilega vildu þessi þrjú stig. Mér fannst það vanta, sérstaklega í fyrri hálfleik hjá okkur, það vantaði mikið upp á það. Við þurfum að nýta færin sem við erum að fá, sem við gerðum ekki. Við fengum svo kalda gusu í andlitið.“ Höskuldur Gunnlaugsson hefur verið frábær í liði Blika en hefur verið fjarverandi í síðustu tveimur leikjum. „Það er auðvitað alltaf svona þegar maður missir góða menn. Það er erfitt, ég tala nú ekki um þegar hann er búinn að vera í dúndurformi.“Ingi Sigurðsson: Fyrst og fremst vinnusemi „Það er ekki hægt að vera annað en ánægður, þvílík barátta, vinnuframlag, hlaupandi allan leikinn og hlaupandi fyrir hvern annan. Þeir eiga þetta svo fyllilega skilið, liðið er búið að vera á uppleið í síðustu leikjum,“ sagði Ingi Sigurðsson, sem gegndi þjálfarahlutverki hjá Eyjamönnum í dag. Jóhannes Þór Harðarson tók sér frí vegna veikinda í fjölskyldu hans í vikunni. „Strákarnir hafa verið að leggja sig vel fram í undanförnum leikjum og í dag gekk þetta bara ennþá betur. Gríðarlega stoltur af drengjunum, ég fullyrði það að Eyjamenn geta verið fyllilega stoltir af þessu liði eins og það spilaði í dag.“ Aðspurður að því hvað var það helsta sem skóp þennan sigur sagði Ingi það vera vinnuframlag. „Það var vinnuframlag, menn voru að vinna fyrir hvern annan, menn héldu sig við planið sem var lagt upp með. Þeir voru þolinmóðir, við héldum áfram og vissum að þetta myndi detta inn.“ „Við unnum vel úr því sem að aðstæður höfðu upp á að bjóða. Ég held að það sé fyrst og fremst gríðarleg vinnusemi drengjanna sem skapaði þennan sigur.“ „Mér fannst við vera mun sterkari í fyrri hálfleik, það var svona í upphafi seinni hálfleiks sem Blikarnir sýndu hvers þeir eru megnugir. Blikar eru með gríðarlega sterkt lið og hafa sýnt það. Mér fannst svo eftir að þeir náðu ekki að setja mark á okkur, við ná rónni aftur. Þá duttu mörkin inn hjá okkur.“Jonathan Glenn kom ÍBV 1-0 yfir á 72. mínútu: Víðir Þorvarðarson skoraði annað mark ÍBV á 74. mínútu:
Pepsi Max-deild karla Mest lesið Lærisveinar Guðmundar í úrslit: Er eiginlega orðlaus Handbolti Utan vallar: Landsliðsþjálfarinn sem nennir ekki að koma til Íslands Fótbolti Yfirmenn Pep fullvissir um að félagið verði ekki sakfellt Enski boltinn „Þeir höfðu gott af þessu þessir litlu karlar í Aftureldingu“ Sport Íslandsmeistarinn Sverrir Þór hættur með Keflavík Körfubolti Skilur ekki fullorðið fólk sem rífur Caitlin Clark niður Körfubolti Þjálfarakapall knattspyrnusumarsins 2024: Hver tekur við Brighton, Bayern, Chelsea eða þá Man United? Fótbolti Þrennan sem eyðilagði fullkomið tímabil Leverkusen Fótbolti LaMelo kærður fyrir að keyra á ungan dreng Körfubolti Börn Bruno Fernandes kvöddu Jóhann: „Hann er toppmaður“ Enski boltinn Fleiri fréttir Starfsmaður Fylkis dæmdur í tveggja leikja bann „Menn eru gríðarlega súrir“ Uppgjörið, viðtöl og myndir: Breiðablik - Stjarnan 2-1 | Blikar minnkuðu forskot Víkinga „Þurftum bara að skerpa á nokkrum hlutum“ Uppgjörið og viðtöl: Fram 1-1 ÍA | Dýrkeypt klikk í lokin Uppgjör: HK - Valur 1-2 | Þriðji sigur Vals í röð Valsmenn hafa unnið alla deildarleiki sína við HK frá hruni Tveir leikir á Akureyri og bikarmeistararnir lentu á móti Fylki Sjáðu umdeilda vítið sem KR fékk og öll mörkin úr Bestu í gær Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði „Hann þekkir mig örugglega betur en ég sjálfur“ Jafnmörg mörk og rauð spjöld í Vestmannaeyjum Uppgjörið: Vestri-Víkingur 1-4 | Öruggur meistarasigur gegn nýliðunum „Rúnar skilur fótbolta og skilur fólk“ Hefur fest rætur á Íslandi eftir örlagaríkt símtal Kristján Guðmundsson: Aldrei brot og mjög slök frammistaða hjá dómurum leiksins Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Leiknir vann Breiðholtsslaginn og Njarðvík með fullt hús stiga Sandra María lagði upp bæði mörk Þórs/KA í bikarsigri á Dalvík Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ Sjá meira
Þjálfarakapall knattspyrnusumarsins 2024: Hver tekur við Brighton, Bayern, Chelsea eða þá Man United? Fótbolti
Þjálfarakapall knattspyrnusumarsins 2024: Hver tekur við Brighton, Bayern, Chelsea eða þá Man United? Fótbolti