Yfir sjö þúsund atkvæði: Mjótt á mununum í valinu á Manni ársins 2015

Yfir sjö þúsund atkvæði hafa verið greidd í valinu á Manni ársins 2015. Tíu aðilar, sem fengu flestar tilnefningar frá lesendum Vísis og hlustendum Bylgjunnar, berjast um titilinn. 

Mjótt er á mununum í efstu sætum en um vika er eftir af atkvæðagreiðslunni. Tilkynnt verður um hver hlýtur titilinn í áramótaþætti Reykjavík Síðdegis á gamlársdag. 

Þau sem tilnefnd eru, í engri sérstakri röð:

• Sævar Helgi Bragason
• Kári Stefánsson
• Þórunn Ólafsdóttir
• Þröstur Leó Gunnarsson
• Ásta Kristín Andrésdóttir
• Sigrún Þ Geirsdóttir
• Guðmundur Viðar Berg og Halldór Sigurbergur Sveinsson
• Almar Atlason
• Lars Lagerbäck og Heimir Hallgrímsson
• Björgunarsveitirnar

Þú getur tekið þátt í valinu með því að fara inn á visir.is/madurarsins og láta þér líka við – setja „like“ á – þann sem þú vilt velja. Þar er hægt að lesa rökstuðning og meira um þá sem tilnefndir eru.

Hægt er að velja eins marga og þú vilt en aðeins er hægt að greiða hverjum og einum eitt atkvæði. Til að taka þátt þarftu að vera skráð(ur) inn á Facebook.