Iðnaðarráðherra vottar Svíum samúð sína

„Hugur minn er hjá íbúum Trollhattan eftir þennan hræðilega atburð,“ segir Ragnheiður Elín Árnadóttir iðnaðarráðherra á Facebook- síðu sinni. Þrír létu lífið og tveir eru alvarlega slasaðir eftir hnífaárás í skóla í bænum í kvöld.

„Trollhattan er vinarbær Reykjanesbæjar og hefur verið um langt skeið. Ég hef tvisvar farið þangað og keppt á vinarbæjarmótum bæði í handbolta og fótbolta og á góðar minningar frá þeim tíma,“segir hún.

Árásarmaðurinn réðist grímuklæddur í skólann vopnaður sverði  og var einn kennari við skólann látinn þegar lögreglu bar að garði. Síðar lést ellefu ára drengur á sjúkrahúsi. Þá skaut lögregla árásarmanninn til bana á vettvangi.

Hugur minn er hjá íbúum Trollhattan eftir þennan hræðilega atburð. Trollhattan er vinarbær Reykjanesbæjar og hefur verið...

Posted by Ragnheiður Elín Árnadóttir on 22. október 2015