Wolfsburg gæti lent í fjárhagsvandræðum vegna skandalsins hjá Volkswagen

Volkswagen er í vondum málum vegna stórfellds svindls sem lesa má meira um hér. Volkswagen á Wolfsburg, en félagið var stofnað fyrir starfsmenn Volkswagen árið 1945.
Bílaframleiðandinn hefur látið mikið fé í Wolfsburg sem hjálpaði liðinu að verða þýskur meistari árið 2009 og bikarmeistari í ár. Það hefur keypt stóra leikmenn á borð við Kevin de Bruyne og André Schürrle fyrir tæplega 50 milljónir punda undanfarin misseri.
Volkswagen gæti þurft að greiða allt að tólf milljarða punda í skaðabætur vegna skandalsinn, en íþróttamarkaðsfræðingurinn Simon Chadwick, prófessor við háskólann í Coventry, telur að þetta gæti haft bein áhrif á Wolfsburg og fleiri félög í Þýskalandi.
„Þegar fyrirtæki tapa svona miklum pening á einu bretti verður leitað að leiðum til að spara,“ segir Chadwick við BBC, en þá liggur beinast við að minnka við styrktarkostnað.
„Hversu mikið högg þetta verður fyrir fyrirtækið á eftir að koma í ljós. Tíminn mun leiða í ljós hvort Volkswagen geti haldið áfram að styðja við félögin eða hvort við sjáum beinar afleiðingar af þessum skandal á næstu leiktíðum,“ segir Luke Chadwick.
Wolfsburg er ekki eina félagið sem gæti lent í vandræðum.
„Volkswagen styrkir 18 af 36 liðum í efstu tveimur deildum þýska boltans. Við erum heldur ekkert bara að tala um Volkswagen heldur Volkswagen Group. Inn í því er Audi sem styrkir líka mikið af íþróttafélögum. Við megum ekki draga úr þeim áhrifum sem þetta gæti haft á íþróttirnar,“ segir Luke Chadwick.
Wolfsburg komst í riðlakeppni Meistaradeildarinnar á þessari leiktíð og mætir Manchester United annað kvöld.
Tengdar fréttir

Volkswagen gæti ógnað allri Evrópu
Hneykslið sem skekur Volkswagen-verksmiðjurnar gæti orðið mesta aðsteðjandi hættan að þýska hagkerfinu.

Síðustu þrjú stóru hneyksli bílasmiða uppgötvuð af almenningi
Opinberir rannsóknaraðilar sem votta framleiðslu bílaframleiðenda uppgötva fáa galla.

Nýr forstjóri en áframhaldandi erfiðleikar hjá Volkswagen
Ef í ljós kemur að svindlhugbúnaður hafi verið í Volkswagen bílum sem innfluttir voru til Íslands, þá er Tollstjóra heimilt að endurheimta vanreiknuð gjöld allt að sex ár aftur í tímann.

Stjórn Volkswagen skipar nýjan framkvæmdastjóra
Líklegast er talið að Matthias Mueller, framkvæmdastjóri Porsche, verði fenginn til að taka við framkvæmdastjórastöðunni af Martin Winterkorn.

2,1 milljón Audi bíla með svindlbúnaði
1,42 milljón þeirra í Evrópu og 577.000 af þeim eru í Þýskalandi.

Svindl Volkswagen aðeins hluti af víðtæku svindli bílaframleiðenda
Nýir evrópskir bílar menga að meðaltali 40% meira en uppgefið er.

Nýr forstjóri Volkswagen keyrir fram stefnubreytingu
Nýr forstjóri Volkswagen vill ekki bíða með það að breyta stjórnarháttum VW.

Volkswagen hafði oft verið varað við að nota svindlhugbúnaðinn
Íhlutaframleiðandinn Bosch og tæknimenn innan raða Volkswagen vöruðu við notkun hans.

Fuðra kaup VW á Red Bull upp í dísilvélasvindlinu?
Volkswagen hefur um margt annað að hugsa nú en rándýra þátttöku í Formúlu 1.