Umfjöllun, viðtöl og myndir: ÍR - Afturelding 23-25 | Mosfellingar fagna enn og aftur Guðmundur Marinó Ingvarsson í Austurbergi skrifar 9. október 2014 15:06 Afturelding lagði ÍR 25-23 í frábærum handboltaleik í Austurbergi í Breiðaholti í Olís deild karla í handbolta í uppgjöri ósigruðu liðanna. Það var mjög mikill hraði í leiknum í fyrri hálfleik með sínum þekktu fylgifiskum, töpuðum boltum og skemmtilegum tilþrifum á víxl. Afturelding var sterkari aðilinn í fyrri hálfleik og munaði mikið um góð hraðaupphlaup liðsins og mjög góða markvörslu Davíðs Svanssonar. Góður varnarleikur á köflum og sex mörk Björgvins Hólmgeirssonar í fyrri hálfleik héldu ÍR-ingum inni í leiknum en þremur mörkum munaði í hálfleik 13-10. Meiri kraftur var í ÍR-ingum í seinni hálfleik og þurfti Afturelding að hafa mun meira fyrir mörkunum sínum er leið á leikinn. Afturelding skoraði mörg mörk eftir að höndin hjá dómurunum var komin upp og munaði mikið um slík mörk í lokin eftir að ÍR hafði náð að jafna metin. Það var gríðarleg spenna í leiknum og mikil stemning í troðfullu húsinu. Stemningin í húsinu var eins og að þetta væri leikur í úrslitakeppni enda bæði lið ósigruð fyrir leikinn. Seigla gestanna úr Mosfellbænum skilaði liðinu sjötta sigrinum í jafn mörgum leikjum en ÍR varð að játa sig sigrað í fyrsta sinn en liðið er þó enn í öðru sæti deildarinnar, fjórum stigum á eftir Aftureldingu.Örn Ingi: Njótum þess að spila handbolta „Við stóðumst heldur betur prófið. Að koma á þennan erfiða heimavöll og troðfullt hús. Þetta var leikur eins og þetta á að vera. Tvö flott lið að berjast og klassa handbolti,“ sagði Örn Ingi Bjarkason leikstjórnandi Aftureldingar þegar hann kom úr fagnaðarlátunum strax að leik loknum. „Maður vildi óska þess að þetta væri alltaf svona. Þetta er miklu skemmtilegra með fullt af fólki og spenna í húsinu og allir gefa sig 100% í þetta. „Þetta var mjög sterkur sigur fyrir okkur að mæta hér liði sem var ósigrað og með mjög mikið sjálfstraust. Það var ekkert smá gott að ná að klára þetta. „Við vorum klaufar í fyrri hálfleik. Við misstum mikið boltann. Þetta voru óþarfa tæknifeilar. En að sama skapi var Davíð með stórleik í markinu og við vorum þremur mörkum yfir. „Í seinni hálfleik ætluðum við að klára þetta, sama hvað, með þennan stuðning á bak við okkur. „Við skorum algjör, ég veit ekki hvað á að kalla þetta, mörk eftir að höndin er komin upp. Þegar boltinn fór inn maður, ég fagnaði þvílíkt. „Þetta virkaði stressandi en við töluðum um það að við ætluðum að njóta þess að spila handbolta fyrir allt þetta fólk og hafa gaman. Mér fannst við hafa gert það. Við skemmum okkur og áhorfendum. Þess vegna erum við í þessu,“ sagði Örn Ingi.Björgvin: Þýðir ekkert að væla þetta „Ég horfði upp í stúku þarna í seinni hálfleik og hún var troðin. Ég held að þetta hafi verið fleiri en í úrslitakeppninni fyrir tveimur árum gegn Haukum,“ sagði Björgvin Hólmgeirsson markahæsti leikmaður ÍR nokkuð léttur í bragði þrátt fyrir tapið. „Þetta var stórkostleg skemmtun og leikurinn mjög góður. „Við vorum eiginlega alltaf að elta en samt fannst mér við hafa leikinn. Þetta var hálf fáránlegt. Þeir skora einhver fimm, sex mörk þegar höndin er uppi af 12 metrum og öll dauðafærin sem við förum með, við erum skelfilegir. „Ég held að ég eigi þrjú eða fjögur dauðafæri en það þýðir ekkert að væla þetta. Við spilum ágætlega vel og þetta er eitt af bestu liðunum í deildinni. Þessi úrslit er ekkert til að stressa sig yfir,“ sagði Björgvin. „Við lentum fjórum mörkum undir og það tók okkur tvær mínútur að vinna það upp. Þetta er ótrúlegur leikur. „Þeir fá að vera eina og hálfa mínútu í sókn og slútta þrisvar í sömu sókninni með höndina uppi og skora í lokin. Það dregur auðvitað kraft úr manni en svona er þetta. „Maður tapar alltaf einhvern tímann. Það er ekki hægt að taka Stjörnuna á þetta í fótboltanum og fara taplausir í gegnum mótið. „Það er vika á milli leikja núna eftir þrjá leiki á viku og góða keyrslu,“ sagði Björgvin sem er búinn að jafna sig á meiðslunum sem hrjáðu hann á síðustu leiktíð. „Ég er í formi. Ég fór í frí í mars og fékk langt undirbúningstímabil og tók vel á þessu.“Örn Ingi skoraði fimm mörk fyrir Mosfellinga í kvöld.Vísir/StefánBjörgvin (nr. 33) var markahæstur í liði ÍR með 11 mörk.Vísir/StefánJóhann Gunnar Einarsson skýtur að marki ÍR.Vísir/Stefán Olís-deild karla Tengdar fréttir Umfjöllun og viðtöl: ÍBV - Stjarnan 29-28 | Annar sigur Íslandsmeistaranna í röð Eyjamenn unnu eins marks sigur á Stjörnumönnum í Vestmannaeyjum í kvöld. Lokatölur voru 29:28 en Stjörnumenn voru einu marki yfir í hálfleik 13:14. 9. október 2014 18:22 Hafnarfjarðarliðin unnu bæði Fjórir leikir fóru fram í Olís-deild karla í handbolta í kvöld. 9. október 2014 21:22 Mest lesið Guðni stal senunni í Smáranum: „Sástu forsetann þarna?“ Körfubolti Remy Martin ekki meira með í þessari úrslitakeppni Körfubolti Heillaóskum rigndi yfir fimmtán ára hetju Fram í skólanum Íslenski boltinn Fengið nóg af því að vera ruslakista fyrir viðbjóð frá fólki Körfubolti „Vestri hefur verið að taka leikhlé“ Íslenski boltinn „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti Róbert fer frá Drammen og vill spila nærri Andreu Handbolti LeBron gæti fengið sig lausan frá Lakers og verið án félags í sumar Körfubolti „Af hverju þurfa þeir meiri athygli, er þetta ekki bara fínt?“ Körfubolti Bellingham reyndi að taka Kane á taugum fyrir vítið Fótbolti Fleiri fréttir Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Sjá meira
Afturelding lagði ÍR 25-23 í frábærum handboltaleik í Austurbergi í Breiðaholti í Olís deild karla í handbolta í uppgjöri ósigruðu liðanna. Það var mjög mikill hraði í leiknum í fyrri hálfleik með sínum þekktu fylgifiskum, töpuðum boltum og skemmtilegum tilþrifum á víxl. Afturelding var sterkari aðilinn í fyrri hálfleik og munaði mikið um góð hraðaupphlaup liðsins og mjög góða markvörslu Davíðs Svanssonar. Góður varnarleikur á köflum og sex mörk Björgvins Hólmgeirssonar í fyrri hálfleik héldu ÍR-ingum inni í leiknum en þremur mörkum munaði í hálfleik 13-10. Meiri kraftur var í ÍR-ingum í seinni hálfleik og þurfti Afturelding að hafa mun meira fyrir mörkunum sínum er leið á leikinn. Afturelding skoraði mörg mörk eftir að höndin hjá dómurunum var komin upp og munaði mikið um slík mörk í lokin eftir að ÍR hafði náð að jafna metin. Það var gríðarleg spenna í leiknum og mikil stemning í troðfullu húsinu. Stemningin í húsinu var eins og að þetta væri leikur í úrslitakeppni enda bæði lið ósigruð fyrir leikinn. Seigla gestanna úr Mosfellbænum skilaði liðinu sjötta sigrinum í jafn mörgum leikjum en ÍR varð að játa sig sigrað í fyrsta sinn en liðið er þó enn í öðru sæti deildarinnar, fjórum stigum á eftir Aftureldingu.Örn Ingi: Njótum þess að spila handbolta „Við stóðumst heldur betur prófið. Að koma á þennan erfiða heimavöll og troðfullt hús. Þetta var leikur eins og þetta á að vera. Tvö flott lið að berjast og klassa handbolti,“ sagði Örn Ingi Bjarkason leikstjórnandi Aftureldingar þegar hann kom úr fagnaðarlátunum strax að leik loknum. „Maður vildi óska þess að þetta væri alltaf svona. Þetta er miklu skemmtilegra með fullt af fólki og spenna í húsinu og allir gefa sig 100% í þetta. „Þetta var mjög sterkur sigur fyrir okkur að mæta hér liði sem var ósigrað og með mjög mikið sjálfstraust. Það var ekkert smá gott að ná að klára þetta. „Við vorum klaufar í fyrri hálfleik. Við misstum mikið boltann. Þetta voru óþarfa tæknifeilar. En að sama skapi var Davíð með stórleik í markinu og við vorum þremur mörkum yfir. „Í seinni hálfleik ætluðum við að klára þetta, sama hvað, með þennan stuðning á bak við okkur. „Við skorum algjör, ég veit ekki hvað á að kalla þetta, mörk eftir að höndin er komin upp. Þegar boltinn fór inn maður, ég fagnaði þvílíkt. „Þetta virkaði stressandi en við töluðum um það að við ætluðum að njóta þess að spila handbolta fyrir allt þetta fólk og hafa gaman. Mér fannst við hafa gert það. Við skemmum okkur og áhorfendum. Þess vegna erum við í þessu,“ sagði Örn Ingi.Björgvin: Þýðir ekkert að væla þetta „Ég horfði upp í stúku þarna í seinni hálfleik og hún var troðin. Ég held að þetta hafi verið fleiri en í úrslitakeppninni fyrir tveimur árum gegn Haukum,“ sagði Björgvin Hólmgeirsson markahæsti leikmaður ÍR nokkuð léttur í bragði þrátt fyrir tapið. „Þetta var stórkostleg skemmtun og leikurinn mjög góður. „Við vorum eiginlega alltaf að elta en samt fannst mér við hafa leikinn. Þetta var hálf fáránlegt. Þeir skora einhver fimm, sex mörk þegar höndin er uppi af 12 metrum og öll dauðafærin sem við förum með, við erum skelfilegir. „Ég held að ég eigi þrjú eða fjögur dauðafæri en það þýðir ekkert að væla þetta. Við spilum ágætlega vel og þetta er eitt af bestu liðunum í deildinni. Þessi úrslit er ekkert til að stressa sig yfir,“ sagði Björgvin. „Við lentum fjórum mörkum undir og það tók okkur tvær mínútur að vinna það upp. Þetta er ótrúlegur leikur. „Þeir fá að vera eina og hálfa mínútu í sókn og slútta þrisvar í sömu sókninni með höndina uppi og skora í lokin. Það dregur auðvitað kraft úr manni en svona er þetta. „Maður tapar alltaf einhvern tímann. Það er ekki hægt að taka Stjörnuna á þetta í fótboltanum og fara taplausir í gegnum mótið. „Það er vika á milli leikja núna eftir þrjá leiki á viku og góða keyrslu,“ sagði Björgvin sem er búinn að jafna sig á meiðslunum sem hrjáðu hann á síðustu leiktíð. „Ég er í formi. Ég fór í frí í mars og fékk langt undirbúningstímabil og tók vel á þessu.“Örn Ingi skoraði fimm mörk fyrir Mosfellinga í kvöld.Vísir/StefánBjörgvin (nr. 33) var markahæstur í liði ÍR með 11 mörk.Vísir/StefánJóhann Gunnar Einarsson skýtur að marki ÍR.Vísir/Stefán
Olís-deild karla Tengdar fréttir Umfjöllun og viðtöl: ÍBV - Stjarnan 29-28 | Annar sigur Íslandsmeistaranna í röð Eyjamenn unnu eins marks sigur á Stjörnumönnum í Vestmannaeyjum í kvöld. Lokatölur voru 29:28 en Stjörnumenn voru einu marki yfir í hálfleik 13:14. 9. október 2014 18:22 Hafnarfjarðarliðin unnu bæði Fjórir leikir fóru fram í Olís-deild karla í handbolta í kvöld. 9. október 2014 21:22 Mest lesið Guðni stal senunni í Smáranum: „Sástu forsetann þarna?“ Körfubolti Remy Martin ekki meira með í þessari úrslitakeppni Körfubolti Heillaóskum rigndi yfir fimmtán ára hetju Fram í skólanum Íslenski boltinn Fengið nóg af því að vera ruslakista fyrir viðbjóð frá fólki Körfubolti „Vestri hefur verið að taka leikhlé“ Íslenski boltinn „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti Róbert fer frá Drammen og vill spila nærri Andreu Handbolti LeBron gæti fengið sig lausan frá Lakers og verið án félags í sumar Körfubolti „Af hverju þurfa þeir meiri athygli, er þetta ekki bara fínt?“ Körfubolti Bellingham reyndi að taka Kane á taugum fyrir vítið Fótbolti Fleiri fréttir Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Sjá meira
Umfjöllun og viðtöl: ÍBV - Stjarnan 29-28 | Annar sigur Íslandsmeistaranna í röð Eyjamenn unnu eins marks sigur á Stjörnumönnum í Vestmannaeyjum í kvöld. Lokatölur voru 29:28 en Stjörnumenn voru einu marki yfir í hálfleik 13:14. 9. október 2014 18:22
Hafnarfjarðarliðin unnu bæði Fjórir leikir fóru fram í Olís-deild karla í handbolta í kvöld. 9. október 2014 21:22