Langar á svið

Leikarann Alexander Skarsgård dreymir um að leika á Broadway. Þessi vinsæli leikari er byrjaður að leita að íbúðum í New York þrátt fyrir að vera ekki með neina vinnu í borginni.

Skarsgård er þessa dagana að leika í sinni sjöundu seríu af True Blood en það vampíruævintýri er senn á enda og er því sænski sjarmörinn farinn að kíkja í kringum sig.

Einnig er hann með annan fótinn í London þar sem hann leikur í myndinni Tarsan sem er í tökum.

„Ég er að skoða íbúðir í New York og planið er að flytja þangað. Ég veit ekkert hvað ég geri, bíó, sjónvarp, leikhús. Það væri gaman að fara á svið, gera eitthvað allt öðru vísi.“