Steve Stricker fór í aðgerð á baki

Einn vinsælasti kylfingur PGA-mótaraðarinnar, Steve Stricker, fór fyrir stuttu í aðgerð á baki til þess að minnka sársauka sem leitt hefur niður í mjöðm í mörg ár.

Stricker er 47 ára gamall og hefur sigrað á tólf mótum á mótaröðinni á ferlinum. Hann hefur þurft að minnka við sig og velja mótin sem hann tekur þátt í að undanförnu enda hafa bakmeiðslin sett stóran strik í reikninginn.

Aðgerðin á eftir að halda honum frá keppni fram á vor en hann lék síðast í Hero World Challenge mótinu sem Tiger Woods hélt snemma í desember. Fyrir það mót hafði hann hvílt sig í fjóra mánuði en hann var enn í miklum sársauka og því ákvað hann að fara í aðgerðina.

„Ég ætla mér að komast í gott form aftur þegar að líður á árið 2015,“ sagði Stricker í yfirlýsingu sem hann gaf út eftir aðgerðina. „Allt heppnaðist vel og ég hlakka til að komast út á golfvöll aftur án þess að þurfa að eiga við verkina.“