Sóley opnar nýja verslun

Meðfylgjandi myndir voru teknar í gær þegar verslunin Sóley var formlega opnuð í Bæjarhrauni 10 í Hafnarfirði. Um er að ræða kærkomna viðbót við vinnustofu Sóley Organics sem framleiðir húðsnyrtivörulínu úr kraftmiklum villtum íslenskum jurtum.  

Konan að baki Sóley húðsnyrtivörum er Sóley Elíasdóttir, en hún starfaði áður sem farsæl leikkona til fjölda ára.  Sóley á ekki langt að sækja áhugann og þekkinguna á íslenskum lækningajurtum, því að baki henni standa margir ættliðir grasalækna.

Uppistaðan í “Sóley” eru kraftmiklar villtar íslenskrar jurtir, þar með talið handtínt birki og vallhumall sem saman mynda grunninn í allri nýju húðsnyrtivörulínunni. Þann grunn sótti Sóley Elíasdóttir, í aldagamla uppskrift sem varðveist hefur í fjölskyldu hennar til dagsins í dag.