Eldur í Kebab grillinu

Eldur kviknaði í veitingastaðnum Kebeb grill við Lækjargötu í dag og var slökkvilið kallað út. Eldurinn kviknaði út frá grilli staðarins. Slökkviliðsmenn voru sendir frá einni stöð á einum dælubíl ásamt sjúkrabíl.

Þegar slökkviliðsmenn komu á vettvang kom í ljós að ekki var um mikinn eld að ræða og höfðu starfsmenn slökkt hann sjálfir með slökkvitækjum. Samkvæmt upplýsingum frá slökkviliðinu er sjálfvirkt slökkvikerfi á staðnum en það fór víst ekki í gang.

Slökkviliðsmenn voru ekki lengi að störfum og að mestu unnu þeir að reykræstingu veitingastaðarins. Þar sem töluverður reykur hafði komið frá eldinum.