Ylfa eldar á Michelin-stjörnuveitingahúsi í Finnlandi Adda Soffía Ingvarsdóttir skrifar 13. október 2014 09:00 Finnarnir voru yfir sig hrifnir af matnum hennar Ylfu. Vísir/Vilhelm „Ég frétti að hann hefði verið búinn að spotta mig áður en hann kom að borða hjá mér. Svo kom hann bara til mín og bauð mér að koma næsta sumar. Það má segja að hann sé Siggi Hall Finnlands,“ segir Ylfa Helgadóttir, kokkur og annar eigenda veitingastaðarins Kopars. Ylfa tók þátt í Food and Fun-hátíðinni sem haldin var í Finnlandi nú fyrir skemmstu, og í framhaldinu var henni boðið að koma og vinna í svokölluðu Food Camp fyrir eina Michelin-stjörnuveitingastaðinn í Finnlandi. „Eigandi staðarins, sem heitir OLO, ætlar að leggja áherslu á kvenkokka á næsta ári. Við verðum á stað sem er rétt fyrir utan Helsinki og fáum meðal annars að fara út í skóg og tína fersk hráefni þar. Þetta verður æði,“ segir Ylfa. Hátíðin Food and Fun er íslensk en þetta er í fyrsta sinn sem hún er haldin erlendis. „Siggi Hall bað mig bara um að koma og vera með í sumar, því hann vantaði kvenkynskokk,“ segir hún. „Ég var eina stelpan úti, en það var ekkert nýtt, það er yfirleitt sirka ein stelpa á móti tíu strákum.“ Ylfa segir að Finnarnir hafi tekið þessu mjög alvarlega og setningarhátíðin var einstaklega glæsileg, en hún var haldin í ráðhúsinu í Helsinki. Ylfa segist hafa verið mjög heppin með veitingastaðinn sem hún fékk, sem heitir MAMI. „Ég var búin að senda þeim hugmyndir og leiðbeiningar um fjögurra rétta matseðil eftir mínu höfði í tölvupósti og var svo búin að gera ráð fyrir að vera að elda allt kvöldið. Svo þegar ég mætti þá rétt náði ég að sýna þeim hvernig diska ég vildi hafa,“ segir Ylfa. „Ég var svo bara stærstan hluta af kvöldinu frammi að spjalla við gestina, það voru allir svo áhugasamir og spurðu mikið. Það var alveg rosalega gaman og þetta gekk svo vel.“ Við undirbúning matseðilsins lagði Ylfa áherslu á hráefni sem væri fáanlegt bæði hér heima og í Finnlandi. „Ég er rosalega mikið fyrir bragðríkan mat og skemmtilegar samsetningar og lagði áherslu á að hafa mat sem var óvenjulegur fyrir Finnunum,“ segir Ylfa. Á lokakvöldinu hlaut hún og hennar veitingastaður sérstök verðlaun fyrir að hafa náð bestu heildarupplifuninni. „Það er víst ekki venjan að verðlauna fyrir þetta, en þeir voru svo rosalega ánægðir með þetta. Mjög gaman að fá svona extra viðurkenningu,“ segir Ylfa. Food and Fun Michelin Veitingastaðir Mest lesið Nígeríusvindlarinn reyndist vera bróðir hans Lífið Arkitekt dýrasta húss Íslandssögunnar selur í Fossvogi Lífið Cox segir Phoenix ömurlegan sem Napóleon Bíó og sjónvarp Talin ólíklegust til að komast áfram Lífið Féllust í faðma á tilfinningaríkri stundu Lífið „Það má segja að þetta sé í raun sorg og uppgjör“ Tónlist Á slóðum Arabíu Lárens með Anthony Hopkins Bíó og sjónvarp Kom öllum að óvörum með fleiri lögum í nótt Tónlist Mesta hættan í unglingaherberginu Lífið Valgerður selur íbúðina í Vesturbænum Lífið Fleiri fréttir Bjóða ókeypis vín gegn því að símar séu læstir inni í skáp Sjá meira
„Ég frétti að hann hefði verið búinn að spotta mig áður en hann kom að borða hjá mér. Svo kom hann bara til mín og bauð mér að koma næsta sumar. Það má segja að hann sé Siggi Hall Finnlands,“ segir Ylfa Helgadóttir, kokkur og annar eigenda veitingastaðarins Kopars. Ylfa tók þátt í Food and Fun-hátíðinni sem haldin var í Finnlandi nú fyrir skemmstu, og í framhaldinu var henni boðið að koma og vinna í svokölluðu Food Camp fyrir eina Michelin-stjörnuveitingastaðinn í Finnlandi. „Eigandi staðarins, sem heitir OLO, ætlar að leggja áherslu á kvenkokka á næsta ári. Við verðum á stað sem er rétt fyrir utan Helsinki og fáum meðal annars að fara út í skóg og tína fersk hráefni þar. Þetta verður æði,“ segir Ylfa. Hátíðin Food and Fun er íslensk en þetta er í fyrsta sinn sem hún er haldin erlendis. „Siggi Hall bað mig bara um að koma og vera með í sumar, því hann vantaði kvenkynskokk,“ segir hún. „Ég var eina stelpan úti, en það var ekkert nýtt, það er yfirleitt sirka ein stelpa á móti tíu strákum.“ Ylfa segir að Finnarnir hafi tekið þessu mjög alvarlega og setningarhátíðin var einstaklega glæsileg, en hún var haldin í ráðhúsinu í Helsinki. Ylfa segist hafa verið mjög heppin með veitingastaðinn sem hún fékk, sem heitir MAMI. „Ég var búin að senda þeim hugmyndir og leiðbeiningar um fjögurra rétta matseðil eftir mínu höfði í tölvupósti og var svo búin að gera ráð fyrir að vera að elda allt kvöldið. Svo þegar ég mætti þá rétt náði ég að sýna þeim hvernig diska ég vildi hafa,“ segir Ylfa. „Ég var svo bara stærstan hluta af kvöldinu frammi að spjalla við gestina, það voru allir svo áhugasamir og spurðu mikið. Það var alveg rosalega gaman og þetta gekk svo vel.“ Við undirbúning matseðilsins lagði Ylfa áherslu á hráefni sem væri fáanlegt bæði hér heima og í Finnlandi. „Ég er rosalega mikið fyrir bragðríkan mat og skemmtilegar samsetningar og lagði áherslu á að hafa mat sem var óvenjulegur fyrir Finnunum,“ segir Ylfa. Á lokakvöldinu hlaut hún og hennar veitingastaður sérstök verðlaun fyrir að hafa náð bestu heildarupplifuninni. „Það er víst ekki venjan að verðlauna fyrir þetta, en þeir voru svo rosalega ánægðir með þetta. Mjög gaman að fá svona extra viðurkenningu,“ segir Ylfa.
Food and Fun Michelin Veitingastaðir Mest lesið Nígeríusvindlarinn reyndist vera bróðir hans Lífið Arkitekt dýrasta húss Íslandssögunnar selur í Fossvogi Lífið Cox segir Phoenix ömurlegan sem Napóleon Bíó og sjónvarp Talin ólíklegust til að komast áfram Lífið Féllust í faðma á tilfinningaríkri stundu Lífið „Það má segja að þetta sé í raun sorg og uppgjör“ Tónlist Á slóðum Arabíu Lárens með Anthony Hopkins Bíó og sjónvarp Kom öllum að óvörum með fleiri lögum í nótt Tónlist Mesta hættan í unglingaherberginu Lífið Valgerður selur íbúðina í Vesturbænum Lífið Fleiri fréttir Bjóða ókeypis vín gegn því að símar séu læstir inni í skáp Sjá meira