„Hver veit hver ástæðan er fyrir því að fólk eignast ekki börn?“

Leikkonan Jennifer Aniston er iðulega spurð að því hvort hún og unnusti hennar, Justin Theroux, ætli að eignast börn. Í samtali við People segir hún þessar spurningar ekki eiga rétt á sér.

„Þetta er ekki eitthvað sem við hugsum um dagsdaglega ef ég á að vera hreinskilin. Þetta er frekar spurning sem kviknar á rauða dreglinum eða í viðtali,“ segir leikkonan.

„Mér finnst þessi orka ónauðsynleg og ekki sanngjarnt við þá sem eiga kannski ekki börn. Hver veit hver ástæðan er fyrir því að fólk eignast ekki börn? Það geta fullt af ástæðum legið að baki og stundum er það eitthvað sem fólk vill ekki ræða,“ bætir hún við.

Viðtalið kemur í kjölfar þess að Jennifer var gestur í þættinum Today og sagðist ekki þurfa börn til að fullkomna líf sitt.

„Ég er ekki með tékklista yfir hluti sem þarf að klára...og ef ég klára þá ekki að ég hafi brugðist á einhvern hátt í feminísma mínum eða í því að vera kona.“