Gerði allt vitlaust

Það varð allt vitlaust á Comic-Con-hátíðinni þegar leikstjórinn Zack Snyder frumsýndi stiklu úr væntanlegri Batman v. Superman mynd sem væntanleg er í bíóhús 2016.

Stiklan, sem er um mínúta á lengd, sýnir Ben Affleck í hlutverki Leðurblökumannsins svipta hulunni af hinu víðfræga Batman-ljósi en ljósið skín á Superman sem svífur í loftinu og starir á Leðurblökumanninn.

Engin orðaskipti eiga sér stað á milli þeirra.

Uppfært 22:22

Hér að neðan má sjá upptöku af stiklunni, sem tekin var upp á síma og er því ekki í góðum gæðum. Stiklan sjálf hefur ekki verið birt enn.