Úkraínski stjörnufíkillinn sem kýldi Brad Pitt Lilja Katrín Gunnarsdóttir skrifar 31. maí 2014 11:30 Lögregluþjónar fjarlægja Vitalii af frumsýningu Maleficent. Vísir/Getty Úkraínski blaðamaðurinn Vitalii Sediuk er 25 ára og komst fyrst í kastljósið á kvikmyndahátíðinni í Feneyjum árið 2011 þegar hann rétti söngkonunni Madonnu vönd af brunahana þó að hann vissi fullvel að henni mislíkaði sú blómategund. Vakti það litla lukku hjá söngkonunni heimsfrægu. Síðan þá hefur hann gert í því að angra fræga fólkið á galaviðburðum, nú síðast í Los Angeles þann 28. maí þegar hann kýldi stórleikarann Brad Pitt á frumsýningu kvikmyndarinnar Maleficent. Vitalii vann fyrir úkraínsku sjónvarpsstöðina 1+1 en var rekinn fyrir nokkrum vikum síðan.Vitalii svindlaði sér upp á svið á Grammy-verðlaununum.Vitalii var dæmur í sex mánaða fangelsi þegar hann kom sér uppá svið á Grammy-verðlaununum í fyrra þegar söngkonan Adele tók við verðlaunum sínum sem besti sólólistamaðurinn. Náði Vitalii að tjá ást sína á söngkonunni í hljóðnemann í beinni útsendingu öllum að óvörum. Hann náði að forðast fangelsisvist með því að segjast ætla að haga sér í þrjú ár og stíga aldrei fæti inn í L.A. Live, hús sem hýsir Staples Center og Nokia Theatre - loforð sem hann hefur ekki staðið við. „Það eru aðeins tveir stórir viðburðir í L.A. Live á ári: Emmy- og Grammy-verðlaunin. Ég held að ég lifi af að sækja ekki þessa viðburði. Það er svo mikið að gerast í Los Angeles,“ sagði Vitalii í viðtali við Hollywood Reporter rétt eftir að hann slapp við fangelsisvistina.Úkraínski sprelligosinn gróf andlit sitt í kjöltu leikarans Leonardo DiCaprio á alþjóðlegu kvikmyndahátíðinni í Santa Barbara í febrúar á þessu ári.„Tilgangur minn er að skemmta fólki og sýna aðra hlið á fræga fólkinu. Ég er ekki geðveikur. Ég hugsa bara öðruvísi,“ bætti hann við. Stuttu eftir Grammy-verðlaunin reyndi hann að komast inn á Óskarsverðlaunahátíð í svanakjól í anda Bjarkar okkar Guðmundsdóttur en var handtekinn af lögregluþjónum áður en hann komst á rauða dregilinn. Fjölmiðlar víðs vegar um heiminn eru lítt hrifnir af Vitalii. Vulture hefur líst honum sem Borat án gáfna og gríns en Uproxx hefur gengið svo langt og kallað hann viðrini. Þá hefur The Wire kallað hann mennskt rusl. Breska ritið Daily Mail lítur á hann sem plágu á rauða dreglinum.Vitalii reyndi að komast inn á MET-ballið í New York í maí á þessu ári í Borat-búning.Eftir athæfi hans á frumsýningu Maleficent var Vitalii handtekinn og settur í gæsluvarðhald. Þá fékk Brad Pitt einnig lögbann á Vitalii en lögfræðingur hans, Anthony Willoughby segir í samtali við AP-fréttastofuna að Vitalii sé ekki hættulegur. „Hann er ekki ofbeldisfullur. Hann er afslappaður, ungur maður.“ Blaðafulltrúinn Christa Sherck vann með Vitalii síðustu tvö ár en hefur nú slitið öllum tengslum við hann. „Þetta er meira en stríðni. Þetta hefur ekki lengur skemmtanagildi,“ segir hún í viðtali við AP-fréttastofuna. Það er því spurning hvort Vitalii þurfi nú að afplána fangelsisdóm, bæði fyrir líkamsárás á Brad Pitt og fyrir að svíkja fyrrnefnt loforð eftir Grammy-verðlaunin. Hér hangir hann á fæti leikarans Bradley Cooper á Screen Actors Guild-verðlaunahátíðinni. Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Bannaði Snorra að kjósa Arnar Þór Lífið Tvöföld veisla hjá Gnarr feðgum Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Krakkatían: Forsetaefni, Disney og tónlist Lífið Herra Hnetusmjör og Sara selja íbúðina Lífið Fleiri fréttir Krakkatían: Forsetaefni, Disney og tónlist Klæddu sig upp sem frambjóðendur Myndaveisla: Rosaleg stemming í kosningavökunum Tvöföld veisla hjá Gnarr feðgum Ofboðslega stolt af dóttur sinni Bannaði Snorra að kjósa Arnar Þór „Nú er þessi sprettur á enda“ Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Sjá meira
Úkraínski blaðamaðurinn Vitalii Sediuk er 25 ára og komst fyrst í kastljósið á kvikmyndahátíðinni í Feneyjum árið 2011 þegar hann rétti söngkonunni Madonnu vönd af brunahana þó að hann vissi fullvel að henni mislíkaði sú blómategund. Vakti það litla lukku hjá söngkonunni heimsfrægu. Síðan þá hefur hann gert í því að angra fræga fólkið á galaviðburðum, nú síðast í Los Angeles þann 28. maí þegar hann kýldi stórleikarann Brad Pitt á frumsýningu kvikmyndarinnar Maleficent. Vitalii vann fyrir úkraínsku sjónvarpsstöðina 1+1 en var rekinn fyrir nokkrum vikum síðan.Vitalii svindlaði sér upp á svið á Grammy-verðlaununum.Vitalii var dæmur í sex mánaða fangelsi þegar hann kom sér uppá svið á Grammy-verðlaununum í fyrra þegar söngkonan Adele tók við verðlaunum sínum sem besti sólólistamaðurinn. Náði Vitalii að tjá ást sína á söngkonunni í hljóðnemann í beinni útsendingu öllum að óvörum. Hann náði að forðast fangelsisvist með því að segjast ætla að haga sér í þrjú ár og stíga aldrei fæti inn í L.A. Live, hús sem hýsir Staples Center og Nokia Theatre - loforð sem hann hefur ekki staðið við. „Það eru aðeins tveir stórir viðburðir í L.A. Live á ári: Emmy- og Grammy-verðlaunin. Ég held að ég lifi af að sækja ekki þessa viðburði. Það er svo mikið að gerast í Los Angeles,“ sagði Vitalii í viðtali við Hollywood Reporter rétt eftir að hann slapp við fangelsisvistina.Úkraínski sprelligosinn gróf andlit sitt í kjöltu leikarans Leonardo DiCaprio á alþjóðlegu kvikmyndahátíðinni í Santa Barbara í febrúar á þessu ári.„Tilgangur minn er að skemmta fólki og sýna aðra hlið á fræga fólkinu. Ég er ekki geðveikur. Ég hugsa bara öðruvísi,“ bætti hann við. Stuttu eftir Grammy-verðlaunin reyndi hann að komast inn á Óskarsverðlaunahátíð í svanakjól í anda Bjarkar okkar Guðmundsdóttur en var handtekinn af lögregluþjónum áður en hann komst á rauða dregilinn. Fjölmiðlar víðs vegar um heiminn eru lítt hrifnir af Vitalii. Vulture hefur líst honum sem Borat án gáfna og gríns en Uproxx hefur gengið svo langt og kallað hann viðrini. Þá hefur The Wire kallað hann mennskt rusl. Breska ritið Daily Mail lítur á hann sem plágu á rauða dreglinum.Vitalii reyndi að komast inn á MET-ballið í New York í maí á þessu ári í Borat-búning.Eftir athæfi hans á frumsýningu Maleficent var Vitalii handtekinn og settur í gæsluvarðhald. Þá fékk Brad Pitt einnig lögbann á Vitalii en lögfræðingur hans, Anthony Willoughby segir í samtali við AP-fréttastofuna að Vitalii sé ekki hættulegur. „Hann er ekki ofbeldisfullur. Hann er afslappaður, ungur maður.“ Blaðafulltrúinn Christa Sherck vann með Vitalii síðustu tvö ár en hefur nú slitið öllum tengslum við hann. „Þetta er meira en stríðni. Þetta hefur ekki lengur skemmtanagildi,“ segir hún í viðtali við AP-fréttastofuna. Það er því spurning hvort Vitalii þurfi nú að afplána fangelsisdóm, bæði fyrir líkamsárás á Brad Pitt og fyrir að svíkja fyrrnefnt loforð eftir Grammy-verðlaunin. Hér hangir hann á fæti leikarans Bradley Cooper á Screen Actors Guild-verðlaunahátíðinni.
Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Bannaði Snorra að kjósa Arnar Þór Lífið Tvöföld veisla hjá Gnarr feðgum Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Krakkatían: Forsetaefni, Disney og tónlist Lífið Herra Hnetusmjör og Sara selja íbúðina Lífið Fleiri fréttir Krakkatían: Forsetaefni, Disney og tónlist Klæddu sig upp sem frambjóðendur Myndaveisla: Rosaleg stemming í kosningavökunum Tvöföld veisla hjá Gnarr feðgum Ofboðslega stolt af dóttur sinni Bannaði Snorra að kjósa Arnar Þór „Nú er þessi sprettur á enda“ Kosningavökur frambjóðenda: Hvar verða mestu fagnaðarlætin? Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Sjá meira