Fetað í dansspor Timberlakes Þórdís Lilja Gunnarsdóttir skrifar 7. mars 2014 15:00 Nanna Ósk Jónsdóttir ásamt dóttur sinni Maríu Kristínu L. Jónsdóttur, 6 ára, í DanceCenter Reykjavík. mynd/Daníel Þegar sumri hallar lofar poppgoðið Justin Timberlake þokkafullum mjaðmahnykkjum og seiðandi danstöktum í Kórnum. Til að taka snúning með Justin gefst Íslendingum heillandi tækifæri á að læra sporin hans. „Justin Timberlake er dansari af Guðs náð og einn fárra stórstjarna með meðfædda danshæfileika á við Michael Jackson,“ segir Nanna Ósk Jónsdóttir danskennari og eigandi dansskólans DanceCenter Reykjavík. Skólinn hefur frá upphafi haft dansstíl Timberlakes í öndvegi. „Blæbrigði DanceCenter eru öll í anda Timberlakes og frá fyrstu tíð höfum við fengið danshöfunda Justins til að kenna við skólann,“ segir Nanna og nefnir sem dæmi danshöfundana Darrin Henson og Dan Karaty sem einnig sat í dómarasæti í dansþáttunum „So You Think You Can Dance?“ „Sem dansari er Justin undir miklum áhrifum frá Michael Jackson og sækir sér innblástur þangað. Michael þróaði sinn eigin dansstíl sem margar poppstjörnur hafa tileinkað sér síðan en dansstíll Justins er líka blandaður hipp hopp-áhrifum og götudansi frá New York.“ Nanna Ósk segir fáa vita að Timberlake hafi ætlað sér að gerast dansari að atvinnu hefði hann ekki slegið í gegn sem tónlistarmaður. „Öll up-beat-lög Justins (með hraðari takti) eru öll mjög dansvæn og samin með það í huga að fólk skelli sér á dansgólfið og fái útrás. Lagasmíðarnar eru kraftmiklar, fela í sér dansvæna stemningu og ekki spillir fyrir að textarnir eru innihaldsríkir og sungnir af frábærri rödd Justins,“ segir Nanna Ósk, sem búin er að tryggja sér miða á tónleikana sem fram fara í íþróttahöllinni Kórnum að kvöldi 24. ágúst í sumar. „Það er alkunna að tónleikagestir taka sporið á tónleikum Justins Timberlake og ekki hægt annað en að verða fyrir áhrifum og dilla sér með stjórstjörnunni. Hægt er að læra flóknari útgáfu af dönsum Justins, sem er meira fyrir þá sem hafa eitthvað stundað dans áður, en einnig er hægt að tileinka sér sáraeinföld spor fyrir þá sem vilja tileinka sér „swagið“, svona helstu mjaðmahnykki og danstakta Justins.“ Í tilefni komu Justins Timberlake, einnar stærstu poppstjörnu veraldar, mun DanceCenter Reykjavík hita rækilega upp fyrir tónleikana með fjögurra vikna námskeiði í anda goðsins. „Á námskeiðinu verður létt yfirbragð og partístemning í anda Justins Timberlake og dansgleðin í fyrirrúmi. Danskennarar skólans, Júlí, Nína og ég sjálf, eru vel inni í dansbakgrunni poppstjörnunnar og kenna sjóðheitar rútínur fyrir 16 ára og eldri og svo yngri hópa. Það eina sem þarf að gera er að hnýta á sig strigaskóna og mæta í partíið,“ segir Nanna Ósk, full tilhlökkunar. „Við ætlum að skemmta okkur vel með þeim vinahópum sem ætla á tónleikana en einnig hverjum þeim sem vill læra að dansa í anda Justin Timberlake. Við förum hægt í danssporin til að byrja með en færum okkur svo yfir í flóknari dansspor fyrir þá sem vilja og skiptum í hópa eftir getustigi.“ Fyrsta námskeið hefst 11. mars og námskeiðum verður bætt við eftir þörfum. Skráning fer fram á www.dancecenter.is og upplýsingar um námskeiðið er að finna á Facebook. Einnig er hægt að senda tölvupóst á dancecenter@dancecenter.is og fá nánari upplýsingar í síma 7773658 hjá DanceCenter Reykjavík. Smelltu á linkana hér fyrir neðan til að sjá sprenghlægilegt dansatriði með Justin Timberlake þar sem hann fer á kostum með söngkonunni Beyonce í skemmtiþættinum Saturday Night Live og annað sem sýnir dansfimi hans í tónleikum í New York.Justin Timberlake og Beyonce í Saturday Night LiveJustin Timberlake á Future Sex Love-tónleikum í New York Mest lesið Gæti orðið að Gísla á Uppsölum ef hún ögrar sér ekki Lífið Bjarni og Katrín selja 350 milljóna króna einbýli í Garðabæ Lífið Tómas hitti sofandi hjartaskurðlækninn Lífið „Ég hef aldrei horft á mig sem fórnarlamb“ Lífið Myndaveisla: Eliza og Lilja Alfreðs í afmæli Karls Bretakonungs Lífið Króli gat ekki hugsað um neitt annað en Bjór Tónlist Frikki Dór reyndi að slá Íslandsmet Lífið Klæðir sig oft óbeint í stíl við dóttur sína Tíska og hönnun Eigendur Akureyri Backpackers selja höllina Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Stofnaði íþróttavörumerki tvítug Sumarlegir og dísætir jarðaberjapinnar að hætti Kristu Fjölgar í fjölskyldu Bjarna Ben Ljótur skúr í miðbænum nú lítið glæsihús Gummi Marteins selur glæsihús í Garðabæ Hrekkjalómur kroppar slaufuna af ókyngreindum salernum Kjartan Henry og Helga selja í Vesturbænum Fyndnustu gæludýramyndir ársins sem unnu til verðlauna Hjörtun stækkuðu hjá Benna Brynleifs og Evu „Þegar ég vakna þá trúi ég því ekki að við séum saman“ Dorrit hvetur Nigel Farage til dáða Elli og María Birta eru stoltir fósturforeldrar í Las Vegas Veðurgæðunum misskipt hjá lesendum Vísis Rakel selur 290 milljóna króna heillandi hús í Vesturbænum Svona er Þjóðhátíðarlagið 2024 Flestir vilja kalla Björn „forsetaherra“ Forsetakosningar greindar í tætlur á flugvellinum Einföld ráð til að hlaða batteríin yfir sumarið Sjá meira
Þegar sumri hallar lofar poppgoðið Justin Timberlake þokkafullum mjaðmahnykkjum og seiðandi danstöktum í Kórnum. Til að taka snúning með Justin gefst Íslendingum heillandi tækifæri á að læra sporin hans. „Justin Timberlake er dansari af Guðs náð og einn fárra stórstjarna með meðfædda danshæfileika á við Michael Jackson,“ segir Nanna Ósk Jónsdóttir danskennari og eigandi dansskólans DanceCenter Reykjavík. Skólinn hefur frá upphafi haft dansstíl Timberlakes í öndvegi. „Blæbrigði DanceCenter eru öll í anda Timberlakes og frá fyrstu tíð höfum við fengið danshöfunda Justins til að kenna við skólann,“ segir Nanna og nefnir sem dæmi danshöfundana Darrin Henson og Dan Karaty sem einnig sat í dómarasæti í dansþáttunum „So You Think You Can Dance?“ „Sem dansari er Justin undir miklum áhrifum frá Michael Jackson og sækir sér innblástur þangað. Michael þróaði sinn eigin dansstíl sem margar poppstjörnur hafa tileinkað sér síðan en dansstíll Justins er líka blandaður hipp hopp-áhrifum og götudansi frá New York.“ Nanna Ósk segir fáa vita að Timberlake hafi ætlað sér að gerast dansari að atvinnu hefði hann ekki slegið í gegn sem tónlistarmaður. „Öll up-beat-lög Justins (með hraðari takti) eru öll mjög dansvæn og samin með það í huga að fólk skelli sér á dansgólfið og fái útrás. Lagasmíðarnar eru kraftmiklar, fela í sér dansvæna stemningu og ekki spillir fyrir að textarnir eru innihaldsríkir og sungnir af frábærri rödd Justins,“ segir Nanna Ósk, sem búin er að tryggja sér miða á tónleikana sem fram fara í íþróttahöllinni Kórnum að kvöldi 24. ágúst í sumar. „Það er alkunna að tónleikagestir taka sporið á tónleikum Justins Timberlake og ekki hægt annað en að verða fyrir áhrifum og dilla sér með stjórstjörnunni. Hægt er að læra flóknari útgáfu af dönsum Justins, sem er meira fyrir þá sem hafa eitthvað stundað dans áður, en einnig er hægt að tileinka sér sáraeinföld spor fyrir þá sem vilja tileinka sér „swagið“, svona helstu mjaðmahnykki og danstakta Justins.“ Í tilefni komu Justins Timberlake, einnar stærstu poppstjörnu veraldar, mun DanceCenter Reykjavík hita rækilega upp fyrir tónleikana með fjögurra vikna námskeiði í anda goðsins. „Á námskeiðinu verður létt yfirbragð og partístemning í anda Justins Timberlake og dansgleðin í fyrirrúmi. Danskennarar skólans, Júlí, Nína og ég sjálf, eru vel inni í dansbakgrunni poppstjörnunnar og kenna sjóðheitar rútínur fyrir 16 ára og eldri og svo yngri hópa. Það eina sem þarf að gera er að hnýta á sig strigaskóna og mæta í partíið,“ segir Nanna Ósk, full tilhlökkunar. „Við ætlum að skemmta okkur vel með þeim vinahópum sem ætla á tónleikana en einnig hverjum þeim sem vill læra að dansa í anda Justin Timberlake. Við förum hægt í danssporin til að byrja með en færum okkur svo yfir í flóknari dansspor fyrir þá sem vilja og skiptum í hópa eftir getustigi.“ Fyrsta námskeið hefst 11. mars og námskeiðum verður bætt við eftir þörfum. Skráning fer fram á www.dancecenter.is og upplýsingar um námskeiðið er að finna á Facebook. Einnig er hægt að senda tölvupóst á dancecenter@dancecenter.is og fá nánari upplýsingar í síma 7773658 hjá DanceCenter Reykjavík. Smelltu á linkana hér fyrir neðan til að sjá sprenghlægilegt dansatriði með Justin Timberlake þar sem hann fer á kostum með söngkonunni Beyonce í skemmtiþættinum Saturday Night Live og annað sem sýnir dansfimi hans í tónleikum í New York.Justin Timberlake og Beyonce í Saturday Night LiveJustin Timberlake á Future Sex Love-tónleikum í New York
Mest lesið Gæti orðið að Gísla á Uppsölum ef hún ögrar sér ekki Lífið Bjarni og Katrín selja 350 milljóna króna einbýli í Garðabæ Lífið Tómas hitti sofandi hjartaskurðlækninn Lífið „Ég hef aldrei horft á mig sem fórnarlamb“ Lífið Myndaveisla: Eliza og Lilja Alfreðs í afmæli Karls Bretakonungs Lífið Króli gat ekki hugsað um neitt annað en Bjór Tónlist Frikki Dór reyndi að slá Íslandsmet Lífið Klæðir sig oft óbeint í stíl við dóttur sína Tíska og hönnun Eigendur Akureyri Backpackers selja höllina Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Stofnaði íþróttavörumerki tvítug Sumarlegir og dísætir jarðaberjapinnar að hætti Kristu Fjölgar í fjölskyldu Bjarna Ben Ljótur skúr í miðbænum nú lítið glæsihús Gummi Marteins selur glæsihús í Garðabæ Hrekkjalómur kroppar slaufuna af ókyngreindum salernum Kjartan Henry og Helga selja í Vesturbænum Fyndnustu gæludýramyndir ársins sem unnu til verðlauna Hjörtun stækkuðu hjá Benna Brynleifs og Evu „Þegar ég vakna þá trúi ég því ekki að við séum saman“ Dorrit hvetur Nigel Farage til dáða Elli og María Birta eru stoltir fósturforeldrar í Las Vegas Veðurgæðunum misskipt hjá lesendum Vísis Rakel selur 290 milljóna króna heillandi hús í Vesturbænum Svona er Þjóðhátíðarlagið 2024 Flestir vilja kalla Björn „forsetaherra“ Forsetakosningar greindar í tætlur á flugvellinum Einföld ráð til að hlaða batteríin yfir sumarið Sjá meira