Sérhannað fyrir erfiðar aðstæður

Polarsyssel, nýtt skip Fáfnis OffShore, var sjósett í skipasmíðastöðinni í Cemre í Tyrklandi um helgina. Skipið er 89 metra langt og 18 metra breitt. Það fer nú í Hayvard-skipasmíðastöðina í Noregi þar sem það verður fullbúið.

Skipið er sérútbúið til að þjónusta olíuiðnað í norðurhöfum, ekki síst til birgðaflutninga til og frá olíuborpöllum. Á því er þyrlupallur og 850 fermetra þilfar. Það er talið vera dýrasta skip Íslandssögunnar, en reiknað er með að smíði þess kosti 7,3 milljarða króna.

Fyrsta verkefni skipsins verður að leysa af hólmi varðskipið Tý, sem Fáfnir tók á leigu, við gæslu- og björgunarstörf við Svalbarða.