Nýráðinn liðsstjóri Ferrari, Marco Mattiacci finnst Kimi Raikkonen „geysilega svalur gaur“ og nýtur þess að vinna með finnska ökumanninum.
Mattiacci kom til liðs við Formúlu lið Ferrari rétt fyrir kínverska kappaksturinn eftir uppsögn Stefano Domenicali. Mattiacci hefur nú verið viðloðinn þrjár keppnishelgar.
Raikkonen er frægur fyrir fámælsku í fjölmiðlum, en Mattiacci segir að það sé ánægjulegt að vinna með Finnanum burt frá sviðsljósinu.
„Ég hef unnið í Finnlandi í nokkra mánuði og ég þekki Finna nokkuð vel,“ sagði liðsstjórinn.
„Kimi er einhver sem er finnskur en óx úr grasi á alþjóðavettvangi vegna Formúlu 1 ferðalaga. Hann er geysilega svalur gaur og ég kann mjög vel við hann. Hann er alltaf opinn og hreinskilinn í samskiptum og hann er fagmannlegur. Hann er frábær manneskja að vinna með,“ sagði Marco Mattiacci.
Mattiacci: Raikkonen er geysilega svalur gaur
Tengdar fréttir
Töframaðurinn bara í heimsókn hjá Ferrari
Ross Brawn, einn af bestu verkfræðingum og liðsstjórum í sögu Formúlu 1, heimsótti sitt gamla lið, Ferrari, á mánudaginn.
Stefano Domenicali hættur hjá Ferrari
Liðsstjóri Ferrari, Stefano Domenicali er hættur sem liðsstjóri hjá Ferrari samkvæmt ítölskum fjölmiðlum. Marco Mattiacci mun taka við hans starfi.
Hakkinen: Alonso með algjöra yfirburði á Raikkonen
Mika Hakkinen telur að Kimi Raikkonen verði að ná liðsfélaga sínum, Fernando Alonso. Vilji hann halda sæti sínu hjá Ferrari.
Ferrari hefur enn trú á Raikkonen
James Allison, tæknistjóri Ferrari-liðsins í formúlu eitt, trúir að Kimi Raikkonen nái að yfirstíga vandræðin sem hafa verið að hrjá hann að undanförnu. Tilraunir finnska ökumannsins til að berjast við liðsfélaga sinn, Fernando Alonso hafa hingað til mistekist.
